بۇگىن تاڭنان بەرى وبلىس اۋماعىنان الماتى قالاسىنا اپاراتىن جولداردا كەپتەلەك ورىن الدى. ۇزىن-سونار كولىكتەر ءنوپىرى قالاعا كىرۋگە نيەتتەنگەن.
جاعدايعا تۇسىنىك بەرگەن الماتى قالالىق پوليتسيا دەپارتامەنتىنىڭ ءباسپاسوز قىزمەتى قالانىڭ اينالاسىنداعى 27 بلوك-بەكەت بۇرىنعىسىنشا جۇمىس ىستەپ تۇرعانىن جەتكىزدى.
«بارلىق 27 بلوكپوست بۇرىنعىداي جۇمىس ىستەپ تۇر. الماتى ءالى كارانتينگە جابىق. قالا تۇرعىندارىنا تەك رەسمي اقپارات كوزدەرىنە قۇلاق اسۋعا كەڭەس بەرەمىز. قوعامدىق ءتارتىپتى بۇزۋ دەرەگى تىركەلگەن جوق. قازىر بلوكپوستارداعى احۋال تۇراقتى», - دەدى پد ءباسپاسوز قىزمەتىندەگىلەر.