ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ساياساتتانۋ كافەدراسى ستۋدەنتتەرگە ارناپ ۇيىمداستىرعان ون كۇندىك كوكتەمگى ونلاين مەكتەپ اياقتالدى.
1-10 مامىر ارالىعىندا, مەرەكە كۇندەرىندەگى دەمالىستارعا قاراماستان, ونلاين-مەكتەپ قاتىسۋشىلارىنا قازاقستان, بەلارۋس, تۇركيا رەسپۋبليكالارىنان ساياساتتانۋ, الەۋمەتتانۋ, جۋرناليستيكا, تاريح سالالارىندا قىزمەت ەتىپ جۇرگەن بەدەلدى ماماندار, عالىمدار شەبەرلىك سىنىپتارىن وتكىزدى. قوناقتار قاتارىندا نۇر-سۇلتان قالاسى جاستار ساياساتى ماسەلەلەرى باسقارماسىنىڭ باسشىسى داۋلەت كارىبەك, ساياسي جۋرناليست, «دارىن» مەملەكەتتىك جاستار سىيلىعىنىڭ لاۋرەاتى ولجاس بەركىنباەۆ, مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى, وليمپيادا چەمپيونى سەرىك ساپيەۆ, بەلارۋس رەسپۋبليكاسى ۇلتتىق جينالىسى وكىلدەر پالاتاسىنىڭ دەپۋتاتى پاۆەل جدانوۆيچ, «Aiqyn» گازەتىنىڭ باس رەداكتورى نۇرمۇحامەد بايعارا, پارلامەنت ءماجىلىسىنىڭ دەپۋتاتى مەرۋەرت قازبەكوۆا, Nur Otan پارتياسى قوعامدىق ساياسات ينستيتۋتىنىڭ ديرەكتورى يۋليا كۋچينسكايا, Atameken Business ارناسىنىڭ حالىقارالىق جاڭالىقتارىنا جاۋاپتى رەداكتورى ءاليا تەكەنوۆا, تۇركيا رەسپۋبليكاسى كودجاەلي ۋنيۆەرسيتەتى ساياساتتانۋ جانە قوعامدىق عىلىمدار كافەدراسىنىڭ دوتسەنتى حاسان يازيدجي جانە وزگەلەر بولدى.
الەمنىڭ ءار تۇكپىرىنەن 500-دەن استام قاتىسۋشى كوكتەمگى ونلاين-مەكتەپتىڭ ۆەبينارلارىندا ءبىلىم الدى. ولاردىڭ قاتارىندا ستۋدەنتتەر, ماگيسترانتتار, دوكتورانتتار, وقىتۋشىلار, پروفەسسورلار جانە ساياساتتانۋعا قىزىعۋشىلىق تانىتقان مەكتەپ وقۋشىلارى دا بار.
ۆەبينارلاردىڭ جازبالارى ساياساتتانۋ كافەدراسىنىڭ YouTube-ارناسىندا جاريالانعان, ال تولىق اقپارات كافەدرانىڭ Instagram جانە Facebook الەۋمەتتىك جەلىلەرىندە كورسەتىلگەن. بارلىق قاتىسۋشىلارعا ەلەكتروندى سەرتيفيكات تابىستالدى.