قازاقستان حالقىنىڭ تىلدەرى كۇنى مەرەكەسىنە وراي, جۇما كۇنى الماتىداعى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا «انا ءتىلىم – ارداعىم» اتتى فەستيۆال ءوتتى.
قازاقستان حالقىنىڭ تىلدەرى كۇنى مەرەكەسىنە وراي, جۇما كۇنى الماتىداعى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا «انا ءتىلىم – ارداعىم» اتتى فەستيۆال ءوتتى.
– ءتىل ماسەلەسىن بالاباقشادان باستاۋ قاجەت دەگەن ءسوزىمىز ناقتى ءىس ارقىلى ناتيجەسىن بەرە باستادى. بۇگىنگى تاڭدا قالامىزداعى مەملەكەتتىك بالاباقشالاردا ورىس ءتىلىندە تاربيەلەنىپ جاتقان بالالاردىڭ سانى – 15 مىڭ 343 بولسا, قازاقشا تاربيە الاتىن بالالاردىڭ سانى 30 مىڭ 162-گە جەتىپ, الدىڭعىلارىنان ەكى ەسەگە اسىپ ءتۇستى, – دەدى الماتى قالاسىنىڭ اكىمى فەستيۆالدىڭ اشىلۋ سالتاناتىندا.
الماتى قالاسىنىڭ جالپى ورتا ءبىلىم مەكەمەلەرىندە قازاق ءتىلىن مەڭگەرۋگە ەرەكشە نازار اۋدارىلۋدا. ەلىمىز بويىنشا تەك الماتى قالاسىندا عانا قازاق تىلىندە وقىتاتىن مەكتەپتەردە قازاق ءتىلى ساباعىندا سىنىپتاردى ەكى توپقا ءبولىپ وقىتۋ قاراستىرىلعان. وعان وتكەن وقۋ جىلىندا جەرگىلىكتى بيۋدجەتتەن قوسىمشا 396 ملن. 410 مىڭ تەڭگە ءبولىندى.
الماتى – جاستاردىڭ قالاسى. قازىر قالامىزدىڭ جوعارى وقۋ ورىندارىندا 187 مىڭداي ستۋدەنت ءبىلىم الۋدا. سولاردىڭ جارتىسىنان استامى قازاق توپتارىندا وقيدى.
مەكتەپ جاسىنا دەيىنگى جانە باستاۋىش سىنىپتاردا وقيتىن بالالارعا ارنالعان قازاق بالالار ادەبيەتىنىڭ تۋىندىلارى ەنگەن «بالالارعا بازارلىق», «شاكىرتتەرگە شاشۋ», جاسوسپىرىمدەر ءۇشىن قازاق قالامگەرلەرىنىڭ شىعارمالارىنان قۇراستىرىلعان «اسىل ءسوز» اتتى اۋديوكىتاپتار شىعارىلدى. سونىمەن بىرگە, بالالار ءۇشىن ءۇش تاسپادان تۇراتىن, قازاق ءتىلىن ۇيرەنۋگە ارنالعان بەينەقۇرال جارىق كوردى. وعان الەم حالىقتارى ەرتەگىلەرىنىڭ جەلىسى بويىنشا تۇسىرىلگەن 50 سلايد-شوۋ ەرتەگى, «ءبىزدى قورشاعان الەم» اتتى 1000 ءسوزدى قامتيتىن ورىسشا-قازاقشا سۋرەتتى اۋديو-سوزدىك ەنگىزىلدى.
تاعى ءبىر ۇلكەن جوبا – «الدار كوسەنىڭ كوڭىلدى وقيعالارى» اتتى جانە قازاق حالىق ەرتەگىلەرى مەن ەپوستارىنىڭ جەلىسى بويىنشا ءتۇسىرىلەتىن كوپ سەريالى مۋلتفيلمدەر جيناعىن شىعارۋ ءىسى قولعا الىندى. 2009-2011 جىلدار ارالىعىندا «الدار كوسەنىڭ كوڭىلدى وقيعالارى» ءمۋلتفيلمىنىڭ 85 سەرياسى جارىق كوردى. جوبا 2013 جىلى بەلگىلى قازاق ەپوستارىنىڭ جەلىسىندە تۇسىرىلگەن انيماتسيالىق فيلمدەرمەن تولىقتىرىلماق. 3D فورماتىنداعى گرافيكالىق تاسىلمەن جاسالعان قازاق تىلىندەگى تۇڭعىش ءمۋلتفيلمنىڭ باستى ەرەكشەلىگى – ءتىل ۇيرەتۋگە ارنالعان باعدارلاما ەنگىزىلگەنى جانە قازاق حالقىنىڭ ەتنوگرافياسىنان ءبىرقاتار ماعلۇمات بەرەتىندىگى.
مەملەكەتتىك ءتىل ساياساتىن كەڭىنەن ناسيحاتتاۋ ماقساتىندا اۋدان اكىمدىكتەرىنىڭ, باسقارمالاردىڭ اتسالىسۋىمەن, قالاداعى ەتنومادەني ورتالىقتارمەن بىرلەسىپ, اباي, ا.بايتۇرسىن ۇلى, ا.پۋشكين وقۋلارى جانە سلاۆيان جازۋىنىڭ كۇندەرى, «ۇزدىك اۋدارماشى», «مەملەكەتتىك ءتىل جانە بۇقارالىق اقپارات قۇرالدارى», «قازاق ءتىلىنىڭ ۇزدىك وقىتۋشىسى», «كورىكتى جارناما – كوركەم ءتىل», «كوركەم ءسوز وقۋ شەبەرلەرى» اتتى بايقاۋلاردى ءوتكىزۋ داستۇرگە اينالعان. مەملەكەتتىك ءتىل ساياساتىن جۇزەگە اسىرۋعا قاتىستى تاقىرىپتاردا ءتۇرلى سەمينارلار مەن دوڭگەلەك ۇستەلدەر, عىلىمي-تاجىريبەلىك كونفەرەنتسيالار ۇيىمداستىرىلىپ تۇرادى.
ايناش ەسالي,
«ەگەمەن قازاقستان».
الماتى.