«قازاقستاننىڭ ماكروەكونوميكالىق يممۋنيتەتى» ساراپتامالىق زەرتتەۋىنىڭ اۆتورلارى بىرىڭعاي جيناقتاۋشى زەينەتاقى قورىنىڭ سىرتقى اكتيۆتەرىن شەتەلدىكتەردىڭ قاتىسۋىمەن ۇلعايتۋدى ۇسىنىپ وتىر. «شەتەلگە ينۆەستيتسيالاۋ ىشكى نارىققا قاراعاندا ينۆەستيتسيالاردىڭ جوعارى كىرىسىن قامتاماسىز ەتۋى كەرەك», دەيدى بايانداما اۆتورلارى.
قازىرگى ۋاقىتتا, ساراپشىلاردىڭ پىكىرى بويىنشا, قور اكتيۆتەرىنىڭ تەك 22% شەتەلدىك اكتيۆتەرگە سالىنعان.
2020 جىلدىڭ ءبىرىنشى توقسانىنىڭ سوڭىندا قازاقستاندىقتاردىڭ زەينەتاقى جيناقتارى 11,7 ترلن تەڭگەدەن استى. سونىمەن بىرگە, 2019 جىلى بجزق اكتيۆتەرىنىڭ كىرىسى 6,47%, ينفلياتسيا دەڭگەيى 5,4% كوتەرىلدى.
وسىلايشا, ناقتى كىرىس 1,17%-دى قۇرادى, سول جىلى S&P 500 يندەكسى 30%, Stoxx Europe 600 - 23%, شانحاي كومپوزيتى - 22%, جاپوندىق Nikkei 225 - 18% ءوستى.
«مۇنداي ءارتاراپتاندىرۋ حالىقارالىق تاجىريبەدە كەڭىنەن قولدانىلادى: مىسالى, نورۆەگيا ۇلتتىق قورىنىڭ 60% اكتيۆتەرى حالىقارالىق قور نارىقتارىنا سالىنعان», دەيدى زەرتتەۋ اۆتورلارى.
سونىمەن قاتار, زەرتتەۋ اۆتورلارى بجزق-نى ۇلتتىق بانكتىڭ باقىلاۋىنان الىپ تاستاپ, پارلامەنتكە بەرۋ قاجەت دەپ سانايدى. ولار بۇل ۇستانىمىن بىلاي دەپ ءتۇسىندىرىپ بەردى.
«بجزق اكتيۆتەرىندەگى شەتەلدىكتەردىڭ ۇلەسىنىڭ ارتۋى ازاماتتاردىڭ زەينەتاقى جيناقتارىنا جەكە مەنەدجەرلەردى تاڭداۋ مۇمكىندىگىن دە ءارتاراپتاندىرادى. حالىقارالىق نارىقتاردا تەرەڭ تاجىريبەسى بار سىرتقى اكتيۆتەردى باسقارۋ مەنەدجمەنتىن پايدالانۋ اكتيۆتەردىڭ كىرىستىلىگىن ارتتىرۋعا جانە پورتفەلدىك تاۋەكەلدەردى ارتاراپتاندىرۋعا جول اشادى. سونىمەن ءبىر مەزگىلدە بجزق اكتيۆتەرىن ساياساتتان جوعارى ۇستاپ, اعىمداعى بيۋدجەتتىك ماقساتتاردا پايدالانۋدى شەكتەيدى», دەلىنگەن زەرتتەۋدە.
سونىمەن قاتار, وسى زەرتتەۋدىڭ اۆتورلارى ينۆەستيتسيالاردى باسقارۋ, اكتيۆتەردى ءبولۋ جانە ۇلتتىق قوردىڭ, بجزق, الەۋمەتتىك مەديتسينالىق ساقتاندىرۋ قورلارىنىڭ ناتيجەلەرى تۋرالى قوعامدى تولىققاندى اقپاراتپەن قامتاماسىز ەتۋدىڭ كەزى كەلگەنى تۋرالى دا ايتىپ ءوتىپتى.
«بۇل اكتيۆتەردى باسقارۋدىڭ ۇلتتىق ساياساتىنىڭ زاڭدىلىعىن كۇشەيتەدى جانە باسقارۋشىلىق ءتارتىپ پەن سىبايلاس جەمقورلىقتى ازايتۋعا سەپتىگىن تيگىزەدى», دەيدى زەرتتەۋ اۆتورلارى.