قازاقستان حالقى تىلدەرىنىڭ كۇنى قارساڭىندا, 2013 جىلعى 20 قىركۇيەكتە سىرتقى ىستەر مينيسترلىگى مەملەكەتتىك قىزمەتكەرلەر اراسىندا مەملەكەتتىك ءتىلدىڭ قولدانىس اياسىن ودان ءارى كەڭەيتۋ, ونى قولداۋ جانە دامىتۋ ماقساتىمەن قازاق ءتىلى كەشىن وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستان حالقى تىلدەرىنىڭ كۇنى قارساڭىندا, 2013 جىلعى 20 قىركۇيەكتە سىرتقى ىستەر مينيسترلىگى مەملەكەتتىك قىزمەتكەرلەر اراسىندا مەملەكەتتىك ءتىلدىڭ قولدانىس اياسىن ودان ءارى كەڭەيتۋ, ونى قولداۋ جانە دامىتۋ ماقساتىمەن قازاق ءتىلى كەشىن وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى.
سىرتقى ىستەر ءمينيسترى ەرلان ىدىرىسوۆ كەشتى اشا وتىرىپ, ەلباسى نۇرسۇلتان نازارباەۆتىڭ «قازاقستاننىڭ بولاشاعى – قازاق تىلىندە» دەگەن ءسوزدەرىنىڭ تەرەڭ ماڭىزىنا توقتالا كەلىپ, مەملەكەتتىك ءتىلدىڭ قولدانىس اياسىن كەڭەيتۋ بارشا قازاقستاندىقتاردىڭ باستى بورىشى ەكەندىگىن اتاپ كورسەتتى. «قازىر قازاق ءتىلىنىڭ حالىقارالىق قىزمەتتەگى ءرولى ارتىپ كەلەدى. قازاق ءتىلىنىڭ قۇدىرەتىن, اتا-بابانىڭ اسىل ءسوزىن, ۇلتتىق ونەردى تەرەڭ ءتۇسىنۋ ءۇشىن بۇگىنگى كەشتىڭ بەلگىلى ءبىر تاعىلىمى بولادى دەپ سەنەمىن», دەدى ول.
سىرتقى ىستەر مينيسترلىگىنىڭ جاۋاپتى حاتشىسى اسقار مۋسينوۆ ءوز سوزىندە قازاقستان حالقى تىلدەرىنىڭ كۇنىنە وراي رەسپۋبليكامىزدىڭ بارلىق وڭىرلەرىندە ءتىل فەستيۆالدەرى, ءتىل ايلىعى, ءتىل اپتالىقتارى, مادەني-ادەبي كەشتەر, بايقاۋلار, كەزدەسۋلەر, وليمپيادالار, شىعارماشىلىق سايىستار وتكىزىلگەنىنە, بۇل كەشتىڭ دە وسى ءتىل مەرەكەسى اياسىنا كىرەتىن ماڭىزدى ءىس-شارانىڭ ءبىرى ەكەندىگىنە توقتالدى. «ءتىلدەردى دامىتۋدىڭ مەملەكەتتىك باعدارلاماسىندا مەملەكەتتىك ءتىلىمىزدىڭ حالىقارالىق قىزمەتتەگى ءرولىن ارتتىرۋ مىندەتى العا قويىلدى. بۇل ماقسات سىرتقى ىستەر مينيسترلىگىنىڭ قىزمەتكەرلەرىنە ۇلكەن جاۋاپكەرشىلىك جۇكتەيدى», دەدى ول.
قازاق ءتىلى كەشىندە ديپلوماتتار: «ماقال – ءسوزدىڭ مايەگى», «ءبىلىمدى مىڭدى جىعار», «ونەرلى ورگە جۇزەر» نوميناتسيالارى بويىنشا ءتىل, ءبىلىم, ونەر سايىسىنا ءتۇستى. سونداي-اق, وسى كەشكە ارنايى شاقىرىلعان شەتەلدىكتەر – ديپلوماتيالىق كورپۋستىڭ بىرقاتار وكىلدەرى قازاق ءتىلىن ۇيرەنىپ جۇرگەندىكتەرى تۋرالى ايتىپ, ءوز ەلدەرى تۋرالى قازاقشا اڭگىمەلەپ بەردى.