ەلوردا اكىمى التاي كولگىنوۆ قازاق دراما تەاترىنىڭ قۇرىلىس بارىسىمەن تانىستى. تەاتر ەلباسىنىڭ تاپسىرماسىنا سايكەس سالىنۋدا. تەاتر قۇرىلىسىمەن «سامۇرىق-قازىنا» ۇلتتىق ءال-اۋقات قورى اينالىسىپ جاتىر. كەشەن 800 ورىنعا ەسەپتەلگەن, 3 قاباتتان تۇرادى. عيمارات ج. ناجىمەدەنوۆ, ا. بايتۇرسىنوۆ جانە 23-15 كوشەلەرىنىڭ قيىلىسىندا ورنالاسقان. بۇل تۋرالى قالا اكىمدىگىنىڭ رەسمي سايتى حابارلادى.
قالا اكىمى التاي كولگىنوۆ قۇرىلىس جۇمىستارىنىڭ كەستەگە سايكەس ءجۇرىپ جاتقانىن اتاپ ءوتتى.
«اۋماقتى اباتتاندىرۋعا بەلسەندى كىرىسۋ قاجەت. بارلىق جۇمىستار سانيتارلىق نورمالاردى قاتاڭ ساقتاي وتىرىپ جۇرگىزىلۋى ءتيىس. قۇرىلىس جۇمىستارى بيىل اياقتالادى», - دەدى قالا اكىمى.
سونىمەن قاتار, ەلوردا اكىمى التاي كولگىنوۆ مىڭجىلدىق اۋدانىنداعى ينجەنەرلىك-كوممۋنيكاتسيالىق جەلىلەردىڭ قۇرىلىسىمەن تانىستى. بۇل جۇمىستار اۋداندى ەلەكتر ەنەرگياسىمەن قامتاماسىز ەتۋگە مۇمكىندىك بەرەدى.