كەشە سەنات توراعاسى قايرات ءماميدىڭ توراعالىعىمەن پارلامەنت سەناتى بيۋروسىنىڭ وتىرىسى ءوتتى, دەپ حابارلادى وسى پالاتانىڭ ءباسپاسوز قىزمەتى.
كەشە سەنات توراعاسى قايرات ءماميدىڭ توراعالىعىمەن پارلامەنت سەناتى بيۋروسىنىڭ وتىرىسى ءوتتى, دەپ حابارلادى وسى پالاتانىڭ ءباسپاسوز قىزمەتى.
بيۋرو وتىرىسىندا ەكونوميكالىق دامۋ جانە كاسىپكەرلىك كوميتەتى «2011 جىلعى 25 تامىزداعى قازاقستان رەسپۋبليكاسىنىڭ ۇكىمەتى مەن كورەيا رەسپۋبليكاسىنىڭ ۇكىمەتى اراسىنداعى بالقاش جىلۋ ەلەكتر ستانساسىن دامىتۋ, قارجىلاندىرۋ, جوبالاۋ, سالۋ, پايدالانۋ جانە وعان تەحنيكالىق قىزمەت كورسەتۋ سالاسىنداعى كەلىسىمگە وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى مەن كورەيا رەسپۋبليكاسىنىڭ ۇكىمەتى اراسىنداعى حاتتامانى راتيفيكاتسيالاۋ تۋرالى» قازاقستان رەسپۋبليكاسى زاڭىنىڭ جوباسى بويىنشا باس كوميتەت بولىپ بەلگىلەندى.
«تمد-عا قاتىسۋشى مەملەكەتتەردىڭ ادامداردى مەملەكەتارالىق ىزدەستىرۋ تۋرالى شارتىن راتيفيكاتسيالاۋ تۋرالى» زاڭ جوباسىنا كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى باس كوميتەت بولىپ بەكىدى.
سونداي-اق, وتىرىستا سەنات دەپۋتاتتارىن حالىقارالىق پارلامەنتتىك ۇيىمدارعا جانە پارلامەنت سەناتىنىڭ شەت مەملەكەتتەر پارلامەنتتەرىمەن ىنتىماقتاستىق ءجونىندەگى وڭىرلىك توپتارعا جىبەرۋ جونىندەگى ۇسىنىستار دا قارالدى.
دەپۋتاتتار, سونىمەن بىرگە, پالاتانىڭ بيىلعى جىلدىڭ 26 قىركۇيەگىندە وتەتىن كەلەسى وتىرىسىنىڭ كۇن ءتارتىبىن دە قاراپ, بەكىتتى. بۇعان قوسا, كەلەسى وتىرىستا سەنات دەپۋتاتتارىن حالىقارالىق پارلامەنتتىك ۇيىمدارعا جانە پارلامەنت سەناتىنىڭ شەت مەملەكەتتەر پارلامەنتتەرىمەن ىنتىماقتاستىق جونىندەگى وڭىرلىك توپتارعا جىبەرۋ جونىندەگى ۇسىنىستار دا قارالادى.