ددۇ – نىڭ افريكا قۇرلىعىنا جاۋاپ بەرەتىن وكىلى ماتشيديسو موەتي حانىم قارا قۇرلىقتا ىندەتتىڭ الدىن الۋ شاراسىن كۇشەيتپەگەن جاعدايدا 190 مىڭ ادام دەرت سالدارىنان قازا تابۋى مۇمكىن ەكەنىن ايتتى. بۇل تۋرالى CNN اقپارات اگەنتتىگى حابارلادى.
ياعني, قارا قۇرلىقتا COVID-19-عا قارسى الدىن الۋ شاراسى تياناقتى اتقارىلماعان جاعدايدا, قۇرلىق تۇرعىندارىنان 29-44 ميلليون ادام دەرتتىڭ تاۋقىمەتىن تارتۋى كوزگە ۇرىپ تۇر.
ونىڭ ۇستىنە اتالمىش قۇرلىقتاعى ەمدەۋ-ساۋىقتىرۋ ورىندارى 5.5 ملن ادامنان ارتىق اۋرۋ قابىلداي المايدى. دەمەك, ساقتىق شارالارى ساقتالماعان جاعدايدا, قارا قۇرلىققا قاۋىپ تونەرى حاق.
وتكەن ناۋرىز ايىندا الەمدىك دەنساۋلىق ساقتاۋ مەكەمەلەرى جۇرگىزگەن ەسەپكە جۇگىنسەك, اتالمىش قۇرلىقتاعى 47 مەملەكەتتىڭ ورتاق ستاتيكاسى بويىنشا ءبىر ميلليون ادامعا توعىز توسەكتەن كەلەدى ەكەن.
«بۇل ۇلكەن قاتەر», - دەيدى ماتشيديسو موەتي حانىم.