ءال-فارابي اتىنداعى قازاق ۇلتتىق ۋنيۆەرسيتەتىندە «ORIENT» شىعىس جۋرناليستيكاسى عىلىمي ورتالىعى اشىلدى. قازۇۋ-دىڭ جۋرناليستيكا فاكۋلتەتى مەن «AFG-QAZ» اۋعانستان-قازاقستان سەرىكتەستىك قاۋىمداستىعىمەن ەكى تاراپتىق ىنتىماقتاستىق اياسىندا «Orient» عىلىمي ورتالىعىنىڭ قۇرىلدى. «Orient» ورتالىعىنىڭ ەرەجەسىنە سايكەس, AFG-QAZ قاۋىمداستىعى باستى سەرىكتەس بولىپ تابىلادى.
«Orient» ورتالىعىنىڭ زەرتتەۋ قىزمەتى تاياۋ شىعىس جانە ورتالىق ازيا, سونىڭ ىشىندە اۋعانستان مەن قازاقستاندى قامتيدى. قازىرگى ۋاقىتتا اۋعان ەلىنەن كەلگەن جاستار قازاقستان رەسپۋبليكاسىنىڭ اۋعانستان يسلام رەسپۋبليكاسىنا ارنالعان مەملەكەتتىك ءبىلىم باعدارلاماسى ارقىلى قازۇۋ-دا ۇكىمەتارالىق گرانت نەگىزىندە باكالىر, ماگيسترلىك جانە PhD دوكتورلىق باعدارلامارى بويىنشا ءبىلىم الۋدا.
«Orient» ورتالىعىنىڭ نەگىزگى ماقساتى تاياۋ شىعىس جانە ورتالىق ازيا ەلدەرى جۋرناليستيكاسى مەن جاڭا مەديا سالاسىنداعى ءبىلىم بەرۋ مەن عىلىمي-زەرتتەۋ شارالارىن ۇيىمداستىرۋ, وتكىزۋ. ورتالىق جۇمىسىنىڭ باستى ماقساتى شىعىس ەلدەرىنىڭ مەديا نارىعى مەن ءبىلىم ەرۋ جۇيەسىمەن بىرلەسكەن مادەني-اعارتۋ, عىلىمي-زەرتتەۋ جانە اقپاراتتىق-يميدجدىك قىزمەتتى ۇيلەستىرۋ, ورىنداۋ سانالادى.
بيىل قازاقستانداعى يۋنەسكو-نىڭ باستاماسىمەن بۇكىلالەمدىك راديو كۇنىنە جانە ءابۋ ناسىر ءال-ءفارابيدىڭ 1150 جىلدىق مەرەيتويىنا ارنالعان VII حالىقارالىق جۋرناليستيكا جانە كوممۋنيكاتسيا قىسقى مەكتەبىنە قازاقستان, وزبەكستان, قىرعىزستان, تۇركيا, اۋعانستان ەلدەرىنەن كەلگەن باق باسشىلار, رەداكتورلارى شىعىس جۋرناليستيكاسىن زەرتتەيتىن ورتالىق قۇرۋ باستاماسىن قولدادى.
«شىعىس ەلدەرى جۋرناليستيكاسىن زەرتتەۋ ازيا ەلدەرىنىڭ مەديا مادەنيەتىن قالىپتاستىرۋعا ىقپال ەتەرى ءسوزسىز», - دەيدى TOLOnews تۆ-ءنىڭ ساياسي شولۋشىسى, اۋعانستان ءجۋرناليسى ابۋ مۋسليم شيرزاد.
«Orient» ورتالىعى ۇيىمداستىرۋىمەن «جۋرناليستيكاداعى ەرلىگى» ءۇشىن سىيلىعى جىلىنا ءبىر رەت ءال-فارابي اتىنداعى قازۇۋ تۇلەكتەرى كابۋلداعى تەرراكتىدە قىزمەت بابىندا قايتىس بولعان تەلەرەپورتەر سايد ساميم مەن اۋعانستاندا اسكەري سوعىس قيمىلدارىنا قاتىسقان جاۋىنگەر جۋرناليست ەرجان سۇلتانباەۆ قۇرمەتىنە تاعايىندالاتىن بولادى. بۇل شارا شىعىس ەلدەرىنىڭ جۋرناليستەرىنىڭ كاسبىي ىنتىماقتاستىعىن ارتتىرۋعا ىقپال ەتەدى.