قازاقستاننىڭ دەپوزيتتەرگە كەپىلدىك بەرۋ قورى (قدكبق) سالىمشىلار شوتتارىنىڭ 99,8%-ىن تولىق كولەمدە كەپىلدەندىرەدى. وسى كورسەتكىش بويىنشا قازاقستانداعى دەپوزيتتەردى قورعاۋ جۇيەسى اقش, كانادا, ەۋروپالىق وداق ەلدەرى, كورەيا جانە جاپونيامەن دەڭگەيلەس قاتار كەلەدى. بۇل تۋرالى بىزگە قدكبق ءباسپاسوز قىزمەتى حابارلادى.
قور كەپىلدىك وتەماقىلاردىڭ قارجىلاندىرىلاتىن نەگىزدە تولەنۋىن قامتاماسىز ەتۋ ءۇشىن نەگىزىنەن كەپىلدىك جۇيەسىنە قاتىساتىن بارلىق بانكتەردىڭ توقسان سايىنعى جارنالارى ەسەبىنەن ارنايى رەزەرۆ قۇرىلاتىنىن ءتۇسىندىردى. قازىرگى ۋاقىتتا قدكبق جارعىلىق كاپيتالى مولشەرىنىڭ 70%, تاراتىپ ايتقاندا 619 ملرد تەڭگە, ارنايى رەزەرۆتە 509 ملرد تەڭگە جيناقتالعان. «حالىقارالىق ستاندارتتارعا سايكەس سالىمشىلاردى قورعاۋ جۇيەسىنىڭ رەزەرۆتەرى كۇتىلەتىن شىعىندار دەڭگەيىنە سايكەس كەلۋى كەرەك جانە ءىرى بانكتەردىڭ نەمەسە بۇكىل قارجى جۇيەسىنىڭ دەپوزيتتىك بازاسىن قامتىماۋى كەرەك. دەپوزيتتەرگە مىندەتتى كەپىلدىك بەرۋ تۋرالى» قازاقستان رەسپۋبليكاسىنىڭ زاڭىندا تالاپ ەتىلگەننەن جوعارى, بارلىق كەپىلدەندىرىلگەن سالىمدار سوماسىنىڭ كەم دەگەندە 5% قۇرايدى», دەيدى قدكبق حابارلاماسىندا.
سونداي-اق, حالىقارالىق تاجىريبەدە دەپوزيتتەرگە كەپىلدىك بەرۋ (ساقتاندىرۋ) قورلارىندا سالىمشىلاردى قورعاۋدىڭ باسقا قۇرالدارى بار ەكەندىگى بەلگىلى. قدكبق – دەپوزيتتەرگە كەپىلدىك بەرۋ جۇيەلەرىنىڭ حالىقارالىق قاۋىمداستىعىنىڭ مۇشەسى بولا وتىرىپ, پروبلەمالى بانكتەرمەن جۇمىس ىستەۋدىڭ بىرقاتار مەحانيزمدەرىن ۇسىندى.
وسى تەتىكتەردىڭ ءبىرى – اكتيۆتەر مەن مىندەتتەمەلەردى باسقا بانككە نەمەسە دەپوزيتتەرگە كەپىلدىك بەرۋ جۇيەسىنە قاتىسۋشى بانكتەرگە بەرۋ. بۇل ءوز كەزەگىندە كەپىلدىك وتەماقىنى تولەۋدى جانە سايكەسىنشە قدكبق رەزەرۆتەرىن پايدالانۋعا جول بەرمەيدى.
حالىقارالىق ستاندارتتارعا سايكەس جاسالعان باعالار قازىرگى جاعدايدا ارنايى رەزەرۆ جەتكىلىكتى ەكەنىن كورسەتەدى. ارنايى رەزەرۆتىڭ تاپشىلىعى ەكىتالاي بولعان جاعدايدا, قدكبق ۇلتتىق بانككە كومەك سۇراي الادى.
«جوعارىدا ايتىلعانداردىڭ ءبارى ەكىنشى دەڭگەيدەگى بانكتەردىڭ جۇمىسىنا تەرىس ستسەناريلەر تۋىنداعان جاعدايدا قازاقستاننىڭ بارلىق تۇرعىندارىن قورعاۋعا باعىتتالعان سالىمشىلاردى قورعاۋ جۇيەسىنىڭ تۇراقتىلىعىن كورسەتەدى», دەلىنگەن قدكبق حابارلاماسىندا.
ەستەرىڭىزگە سالا كەتەيىك, ساقتاندىرۋ جاعدايى تۋىنداعان كەزدە قدكبق كەپىلدىك وتەمدى دەپوزيتتىك قالدىق سوماسىندا تولەيدى, بىراق ۇلتتىق ۆاليۋتاداعى جيناق سالىمدارى ءۇشىن 15 ميلليون تەڭگەدەن, تەڭگەمەن باسقا دەپوزيتتەر ءۇشىن 10 ميلليون تەڭگەدەن, شەتەل ۆاليۋتاسىنداعى 5 ميلليون تەڭگەدەن اسپايدى.