توتەنشە جاعداي كەزىندە نازاردان تىس قالدىرمادى.
سەمەي قالاسىنداعى «نيەت» قايىرىمدىلىق قورى بەسقاراعاي اۋدانىنىڭ جاعدايى تومەن وتباسىلارىنا كومەك كورسەتتى. قور بيىلعى جىلدىڭ اقپان ايىندا اۋدانداعى 85 وتباسىنا (428 ادام) LC Waikiki فيرماسىنىڭ كيىم-كەشەكتەرىن تارتۋ ەتىپتى.
«بۇگىنگى توتەنشە جاعداي كەزىندە دە قور اۋدانىمىزدى نازاردان تىس قالدىرمادى. 85 وتباسىنا الەۋمەتتىك ماڭىزداعى ازىق-ت ۇلىك سەبەتىن اكەلىپ, جاعدايى تومەن وتباسىلارعا تابىس ەتتى. سىن ساعاتتا كومەك قولىن سوزعان «نيەت» قوعامدىق قورى فيليالىنىڭ ديرەكتورى ايدوس سەرىكقالي ۇلىنا, ورىنباسارى مەرۋەرت كيسامەنوۆاعا العىسىمىزدى بىلدىرەمىز» دەيدى بەسقاراعايلىقتار.
«پاندەميا ادامداردىڭ قارجىلىق جاعدايىنا اسەر ەتۋدە. ءبىز قوعامدىق ۇيىمبىز جانە ازاماتتاردان قايىرىمدىلىق كومەك قابىلدايمىز. سوندىقتان كەز كەلگەن داعدارىستى ءبىرىنشى بولىپ سەزىنەمىز, بىزدەن كومەك سۇرايتىندار وتە كوپ. مۇنداي يگى ىستەر الداعى ۋاقىتتا دا جالعاسىن تاباتىن بولادى» دەيدى مەرۋەرت كيسامەنوۆا.
شىعىس قازاقستان وبلىسى,
بەسقاراعاي اۋدانى