ۇستىمىزدەگى جىلعى 15 قىركۇيەك كۇنى وزبەكستاننىڭ بۇحارا وبلىسىنداعى ۆابكەنت اۋدىنىنىڭ نارچوك قيشلاعىنداعى ماقتالىق القاپتا ماقتا ءونىمى ءۇيىندىسىنىڭ استىندا قالىپ قويعان 6 جاسار بالا تۇنشىعىپ ءولدى. بۇل تۋرالى «فەرگانا.news» اگەنتتىگى حابارلادى.
2007 جىلى تۋعان بۇل بالانىڭ اتى اميربەك راحماتوۆ ەكەن. بيىل مەكتەپتىڭ ءبىرىنشى سىنىبى تابالدىرىعىنان اتتاعان ول سول كۇنى ساباققا بارماي, اناسىنا كومەكتەسپەكشى بولىپ, ماقتالىق القاپقا كەلگەن ەكەن. ءبىرازدان كەيىن شارشاعاسىن دەم الماق بولىپ, تراكتوردىڭ تەلەجكاسى قورابىنا شىعىپ, ۇيىقتاپ قالادى. ال كەشكە قاراي وندا بالانىڭ جاتقانىن اڭعارماعان ماقتا تەرۋشىلەر قوراپقا تەڭدەردى لاقتىرىپ تاستاي باستايدى. وندا ءبۇلدىرشىننىڭ جاتقانى ماقتا قابىلداۋ پۋنكتىندە ءبىر-اق بايقالادى. بۇل كەزدە ول الدەقاشان ءجانتاسىلىم ەتكەن ەكەن.
سۇلتان بوزايعىر.