ءۇندىستاننان الىنعان ۆاكتسينالاردىڭ ساپاسى تومەن دەگەن اقپاراتتار تاراپ جاتىر. ۆاكتسينانىڭ ساپاسى تۋرالى «سق-فارماتسيا» جشس باسقارما توراعاسى بەرىك ءشارىپ ايتىپ بەردى.
ء«ۇندىستاننان مىندەتتى تۇردە قولداناتىن ۆاكتسينانىڭ ءۇش ءتۇرىن الامىز. ونىڭ بىرەۋى – ادسم, ەكىنشىسى – قىزىلشا مەن ءپاروتيتتىڭ الدىن الۋعا ارنالعان, ءۇشىنشىسى – تۋبەركۋلەزگە قارسى. بۇل ۆاكتسينالاردى ءوندىرۋشى - Serum Institute of India. ءۇش ۆاكتسينا دسۇ-نىڭ تەكسەرۋىنەن وتكەن, سەرتيفيكاتى بار. بۇكىل الەمنىڭ 70-تەن اسا مەملەكەتىندە قولدانىلادى», - دەدى بەرىك ءشارىپ.
ونىڭ ايتۋىنشا, ۆاكتسينالار يۋنيسەف-تەن جانە جەرگىلىكتى ديستريبيۋتەرلىك كومپانيالاردان جەتكىزىلەدى.
ءدارى-دارمەكتەر ەمدەۋ حاتتامالارىنا سايكەس قازاقستان رەسپۋبليكاسىندا بەلگىلەنگەن بارلىق كلينيكالىق سىناقتاردان وتكىزىلگەن. ولاردىڭ بارلىعى تيىمدىلىگىن كورسەتىپ جاتىر. بۇگىندە ەلىمىزدە شامامەن 1 300-گە جۋىق ناۋقاس COVID-19-دان ەمدەلىپ شىققان.