كورولدىك بيلىگى جانىنداعى PIF (مەملەكەتتىك ينۆەستيتسيالىق قور) قور امەريكا قۇراما شتاتتارىنداعى ەڭ ءىرى كينوكومپانيا AMC Entertainment Holdings -پەن كەلىسسوزدەر جۇرگىزىپ, كينەماتوگرافيالىق بيزنەسكە كىرۋگە نيەتتى ەكەنىن مالىمدەدى, وسى كۇنگە دەيىن كونسەرۆاتيۆتى كوزقاراستى ۇستانىپ كەلگەن ەلدە كينوتەاترلارعا 35 جىلدىق تىيىم جاقىن ارادا الىنىپ تاستالادى, دەپ جازادى vestifinance.ru رەيتەر اگەنتتىگىنە سىلتەمە جاساپ.
«قوردىڭ مىندەتىنە سايكەس, كورولدىكتىڭ پەرسپەكتيۆالى جاڭا سەكتورلارىن اشۋعا كومەكتەسۋ ءۇشىن, PIF (مەملەكەتتىك ينۆەستيتسيالىق قور) جانە AMC Entertainment كينوتەاتردىڭ ورتاسىن جانە ساۋد ارابياسىنداعى ينۆەستيتسيالار مەن سەرىكتەستىك مۇمكىندىكتەرىن زەرتتەيدى», دەيدى PIF (مەملەكەتتىك ينۆەستيتسيالىق قور) باسشىلىعى تاراتقان ءباسپاسوز دەرەكتەرىندە.
دۇيسەنبىدە ساۋد ارابياسى ۇكىمەتى العاشقى كينوتەاترلار كورولدىكتە فيلمدەردى ناۋرىز ايىنىڭ باسىندا كورسەتە باستايدى دەپ جاريالادى, بۇل ەلدەگى ىرىقتاندىرۋ باعدارلاماسىنىڭ بولىگى بولىپ تابىلادى. دەمەك الداعى كۇندەردە كونتسەرتتەرگە, كومەديالىق شوۋلارعا جانە ايەلدەرگە كولىك جۇرگىزۋگە تىيىم سالۋدى الىپ تاستايدى.
Odeon برەندىنىڭ يەسى AMC - الەمدەگى ەڭ ءىرى فيلم تاراتۋشى كومپانيالاردىڭ ءبىرى. AMC الەم بويىنشا 1 مىڭعا جۋىق كينوتەاتر مەن 11 مىڭ ەكرانعا يە.
كەشەدەن باستاپ الەم ەلدەرىنىڭ ءىرى كينو ۇيلەرى ساۋد ارابياسىنىڭ نارىعىنا كىرۋگە نيەت تانىتا باستادى.
دۋبايداعى VOX Cinemas-قا يەلىك ەتەتىن Majid Al Futtaim ساۋدا ورتالىعى ءوزىنىڭ العاشقى كينوتەاترىن سول جەردە اشقىسى كەلەتىنىن ايتتى. ساۋد كورولدىگى 2030 جىلعا قاراي 2 مىڭنان استام ەكرانى بار 300-دەن استام كينوتەاترلار اشىلادى دەپ كۇتىلۋدە.
ساۋد ارابياسى بيلىگى ەكونوميكاسىن ءارتاراپتاندىرۋ جانە مۇناي ەكسپورتىنا تاۋەلدىلىكتى ازايتۋ الداعى ۋاقىتتا تاعى دا ءبىراز جۇمىستاردى جوسپارلاپ وتىر. PIF (مەملەكەتتىك ينۆەستيتسيالىق قور) كوپتەگەن سالالارعا ەنەدى - جىلجىمايتىن م ۇلىكتەن باستاپ تەحنولوگياعا, تۋريزم مەن قالدىقتاردى باسقارۋعا ينۆەستيتسيا سالۋعا دايىن وتىر.