شىمكەنتتە «جانعا جىلۋ» اكتسياسى اياسىندا 100 وتباسىعا كومەك كورسەتىلدى

مازمۇندى ماقالادا, ۇرپاق پەن ءداستۇر ساباقتاستىعى بولعان جەردە عانا يگىلىك پەن ىزگىلىك قاتار وركەن جايادى. وسى قاسيەتتى قاعيدا ءاربىر قازاقستاندىقتىڭ جادىنان, جۇرەگىنەن ورىن الۋى كەرەك, — دەلىنگەن.

كۇللى ادامزاتقا قاۋىپ ءتوندىرىپ تۇرعان كوروناۆيرۋس دەرتىنمەن كۇرەسكە بايلانىستى توتەنشە جاعداي كەزىندە كومەككە مۇقتاج جانۇيالارعا قول ۇشىن بەرۋ ۇلتتىق بولمىسىمىزعا ءتان, جاراسىمدى ءۇردىس ەكەنى انىق. وسى ماقساتتا شىمكەنت قالالىق «جاستار رەسۋرستىق ورتالىعى» كەزەكتى رەت «جانعا جىلۋ» قايىرىمدىلىق اكتسياسىن قولعا الىندى.قايىرىمدىلىق شاراسىنا «پەترو قازاقستان» شىمكەنت مۇناي وڭدەۋ زاۋىتى دا اتسالىسىتى. ۇيىمداستىرۋشىلار مەن دەمەۋشىلەر شىمكەنت قالاسىنداعى ءتورت اۋدان ەڭبەكشى, اباي, ءال-فارابي مەن قاراتاۋ اۋدانى اكىمدىكتەرىمەن بىرلەسە وتىرىپ الەۋمەتتىك از قامتىلعان جانە كوپ بالالى 100 جانۇيانىڭ ءتىزىمى ناقتىلاندى.وسىعان سايكەس ۇيىمداستىرۋشىلار قاجەتتىلىكتى ەسكەرە وتىرىپ تۇرمىستىق ءجيى تۇتىناتىن: ۇن, قانت, اق ماي, ماكارون, گرەچكا, شاي, پەچەنە, تاتتىلەردىڭ 100 ازىق-ت ۇلىك سەبەتىن ازىرلەدى.

اكتسيا اياسىندا ەرىكتى جاستاردان جاساقتالعان بەلسەندىلەر قاۋىپسىزدىك ەرەجەلەرىن ساقتانا وتىرىپ, اتالعان ازىق-ت ۇلىك سەبەتتەرىن جانۇيالارعا تاراتتى. ايتا كەتەيىك, جىل باسىنان بەرى ءداستۇرلى تۇردە ۇيىمداستىرىلىپ كەلە جاتقان «جانعا جىلۋ» قايىرىمدىلىق اكتسياسى اياسىندا وسى ۋاقىت ارالىعىندا 500-دەن وتباسىعا كومەك بەرىلدى.