شىمكەنت قالاسىنىڭ تۇرعىنى توتەنشە جاعداي كەزىندە ءوز ۇيىندە ەسىرتكى پريتونىن ۇيىمداستىردى. 22 ساۋىردە شىمكەنت قالاسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن كەشەندى جەدەل ءىس-شارالار جۇرگىزۋ بارىسىندا ەسىرتكى قۇرالدارىن زاڭسىز دايىنداۋ, وتكىزۋ جانە ەسىرتكى پريتونىن ۇيىمداستىرۋ بويىنشا كۇدىكتى 34 جاستاعى جەرگىلىكتى تۇرعىن ۇستالدى.
ءتىنتۋ بارىسىندا كۇدىكتىنىڭ ۇيىندە ەسىرتكى زاتتارىن تۇتىنۋعا ارنالعان عيمارات تابىلدى. بارلىق ايعاقتى زاتتار تاركىلەندى.
اتالعان جايت بويىنشا قر قىلمىستىق كودەكسىنىڭ 297-بابىنىڭ 1-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) جانە 302-بابىنىڭ 1-بولىگى (ەسىرتكى, پسيحوتروپتىق زاتتاردى, سول تەكتەستەردى تۇتىنۋ ءۇشiن پريتوندار ۇيىمداستىرۋ نەمەسە ولاردى ۇستاۋ جانە وسى ماقساتتار ءۇشiن ءۇي-جايلار بەرۋ) بويىنشا سوتقا دەيىنگى تەرگەۋ جۇرگىزىلىپ جاتىر.