اللا تاعالا ء«انفال» سۇرەسى, 29-شى اياتتا: «مەن شىنشىل ق ۇلىما اق پەن قارانى اجىراتاتىن ىلىم بەرەم» دەگەن. اق پەن قارانى اجىراتۋ دەگەن نە؟! مىسالى, ءسىزدىڭ الدىڭىزدا ەكى قيىندىق نەمەسە ەكى جاقسىلىق ءىس تۇر دەيىك. اق پەن قارانى اجىراتاتىن ادام – قيىندىقتىڭ جەڭىلىن, جاقسىلىتىڭ ابزالىن تاڭدايدى.
وسى تاڭداۋدى دۇرىس جاساۋ ءۇشىن ءبىلىم كەرەك. دەمەك عۇلامالار ء«بىلىم - امالدىڭ باسى» دەگەندى تەگىن ايتپاعان. ياعني, ءسوز بەن امالدىڭ دۇرىس بولماعى بىلىمنەن. امال دۇرىس بولماسا ناتيجە دە بولمايدى. ياعني ءنول. ەندەشە, امالدىڭ ناتيجەلى بولۋى بىلىمگە بايلانىستى. سول ءۇشىن ادام ناتيجە بەرەتىن ءبىلىم ىزدەۋ كەرەك.
مىسالى, سىزگە ءبىر جۇمىس تاپسىرىلىپ, ودان ناتيجە سۇرالمايتىن بولسا, وعان باس اۋىرىتپايسىز. ويىڭىزعا نە كەلسە سونى ىستەيسىز. جۇمىستىڭ بىت-شىتىن شىعاراسىز.
سول سياقتى مىنا ءومىردىڭ ءمانىن بىلمەيتىن ادام ويىنا كەلگەندى ىستەيدى. ونداي ادامدار ءۇشىن: اقىرەت, قيامەتتىڭ سۇراۋى, ەسەپ بەرۋ, اللا الدىندا امالداردىڭ تارازىلانۋ ت.ب. وتىرىك سياقتى ەلەستەيدى. ويتكەنى, ول ناتيجەنى بىلمەيدى. ءوز قالاۋىمەن ءومىر سۇرەدى.
قىسقاسى, ادام بالاسى قالاي ءومىر سۇرەسىڭ ونى ءوزىڭ تاڭدايسىڭ. تاڭداۋ – اللا تاعالانىڭ ادامعا بەرگەن شەكسىز ەركىندىگى ءھام نىعمەتى. بىراق اللا تاعالا رۇحسات ەتپەگەن ەركىندىك بىزگە - زيان. رۇحسات ەتكەن ەركىندىگى بىزگە – پايدا. وسىنى ايىرما ءبىلۋدى – اق پەن قارانى اجىراتۋ دەيدى.