اتىراۋ وبلىسىنداعى تەڭىز كەنىشىندە جۇمىس ىستەگەن جۇمىسشىلاردىڭ قاۋىپتى ىندەتكە شالدىعۋ دەرەگى كۇن سايىن كوبەيىپ بارادى.
كەشە توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتاب كەنىش جۇمىسشىلارى اراسىنان 15 ادامنىڭ كوروناۆيرۋس ينفەكتسياسىن جۇقتىرعانىن حابارلاپ ەدى. ەندى بۇگىن تاعى توعىز ادام اتالعان ىندەتتىڭ شىرماۋىنا ءىلىنىپتى.
دەگەنمەن, وبلىس اكىمدىگى تەڭىز كەنىشىندەگى احۋالدى باقىلاۋعا الىپ وتىر. وبلىس اكىمى ماحامبەت دوسمۇحامبەتوۆتىڭ ءمالىم ەتۋىنشە, قازىر ارنايى كومسسيا قۇرىلدى. وعان وبلىس اكىمىنىڭ ءبىرىنشى ورىنباسارى سەرىك شاپكەنوۆ جەتەكشىلىك ەتەدى.
– مۇنىڭ ءبارى –ۋاقىتشا قيىندىق. كۇردەلى جاعدايعا قاراماستان, جۇمىستى جالعاستىرۋىمىز كەرەك. تەڭىز كەنىشىندەگى احۋال بويىنشا وتكەن اپتانىڭ باسىندا ارنايى كوميسسيا قۇردىق. وعان توراعالىق ەتەتىن ورىنباسارىم سەرىك شاپكەنوۆ تەڭىز كەنىشىنە بارىپ, ءالى كۇنگە دەيىن سوندا جۇمىس ىستەپ جاتىر. كوميسسيانىڭ باستى ماقساتى— كەنىشتەگى جۇمىسشىلاردىڭ قاۋىپسىزدىگىن قامتاماسىز ەتىپ, وڭىرلەرىنە جىبەرۋدى ۇيلەستىرۋ, -دەدى كەن ورنىنداعى احۋالعا بايلانىستى سەلەكتورلىق كەڭەس وتكىزگەن ماحامبەت دوسمۇحامبەتوۆ.
كەن ورنىنان 12 مىڭعا جۋىق جۇمىسشى شىعارىلىپ, تۇرعىلىقتى مەكەنجايىنا جەتكىزىلگەن. جۇمىسشىلار كەنىشتەن شىعارىلار الدىندا قاۋىپتى ىندەتتى انىقتايتىن تەستتەن وتكىزىلىپ, ءوز وڭىرلەرىنە ينفەكتسيادان تازا بولسا عانا جىبەرىلەدى.
– شىعارىلعانداردىڭ 3000-عا جۋىعى –اتىراۋ وبلىسىنىڭ تۇرعىندارى, -دەدى سەلەكتورلىق كەڭەسكە تەڭىز كەن ورنىنان تىكەلەي بايلانىسقا شىققان وبلىس اكىمىنىڭ ءبىرىنشى ورىنباسارى سەرىك شاپكەنوۆ.
ونىڭ ايتۋىنشا, ۆاحتالىق قالاشىقتاردىڭ بارلىعىندا تۇراقتى دەزينفەكتسيالاۋ جۇرگىزىلۋدە. توتەنشە جاعداي كەزىندەگى كۇشەيتىلگەن كارانتين تالاپتارىنا سايكەس, ءار ۆاحتالىق قالاشىقتىڭ اراسىندا ءوزارا قاتىناۋعا شەكتەۋ قويىلدى. ال, تەڭىز كەنىشىنە قاتىنايتىن جولدارعا ءتورت بلوك پوست ورناتىلىپ, اينالما دالا جولدارى باقىلاۋعا الىنىپتى. كارانتيندىك ايماقتا پوليتسيا, قاۋىپسىزدىك قىزمەتىنەن قۇرىلعان پاترۋل جۇمىس ىستەۋدە.
– بۇل جاعدايدى مۇقيات باقىلاۋدا ۇستاۋىمىز كەرەك. ءوزىمنىڭ ورىنباسارلارىما, «تەڭىزشەۆرويل» كومپانياسىنىڭ باسشىلىعىنا قىزمەتكەرلەردى شىعارۋدى تياناقتى اياقتاۋدى تاپسىرامىن. جۇمىس ورىندارىنىڭ قىسقارماۋى مەن جۇمىسشىلاردىڭ ەڭبەكاقىسىنىڭ ساقتالۋى باستى نازاردا بولۋى ءتيىس,- دەپ تاپسىرما بەردى وبلىس اكىمى ماحامبەت دوسمۇحامبەتوۆ.