جۇرت ادەتتە پوليتسيا قىزمەتكەرلەرىن قوعامدىق ءتارتىپتى بۇزعانداردى قۇرىقتاپ, حاتتاما تولتىراتىن ساقشى رەتىندە قابىلدايدى.
الايدا, ولاردىڭ دا قايىرىمدىلىق ىسكە ۇيىتقى بولاتىنىن ەسكەرمەيدى. كەشە اتىراۋ قالالىق پوليتسيا باسقارماسىنىڭ قىزمەتكەرلەرى بالالارعا سىيلىق جاسادى.
«پوليتسيا قىزمەتكەرلەرى قالانىڭ «اۆانگارد», «تۇرعىن ءۇي قالاشىعى», «نۇرسايا» ىقشام اۋداندارىنداعى كوپقاباتتى ۇيلەردىڭ اۋلالارىندا بالالارعا ارنايى سىيلىق جاساۋدى ۇيعاردى. سونداي-اق, پوليتسيا قىزمەتكەرلەرى تۇرعىنداردى ساقتىق شارالارىن قاتاڭ ساقتاۋعا, ازاماتتاردىڭ دەنساۋلىعى ءۇشىن قاۋىپتى تاۋەكەلدەردى ازايتۋعا شاقىردى. كارانتيندى ساقتاۋدىڭ ماڭىزىن ءتۇسىندىردى» -دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
بۇدان سوڭ پوليتسەيلەر بالالارعا ء«بىز بىرگەمىز» دەگەن جازۋى بار ءتۇرلى شارلار مەن ويىنشىقتاردى تابىستادى.