بىلىگى جوعارى مامان بولسا, تاقتايداي تەگىس ءارى ساپالى جول سالۋ قيىن ەمەس. دەسەك تە, بۇل سالادا ماماندار شوعىرى جەتكىلىكتى مە؟
«جول اكتيۆتەرىنىڭ ۇلتتىق ساپا ورتالىعى» رمك اتىراۋ وبلىستىق فيليالى ديرەكتورىنىڭ مىندەتىن اتقارۋشى جانتاس ءشاريپوۆتىڭ ايتۋىنشا, ەلىمىزدە جول سالۋشى ماماندارعا سۇرانىس ءالى تولىق قامتىلعان جوق. ول بۇل تۋرالى مەكتەپ مەكتەپ تۇلەكتەرىمەن ZOOM جانە WhatsApp جەلىسى ارقىلى ونلاين كەزدەسۋ وتكىزىپ, كاسىبي باعىت-باعدار بەرۋ كەزىندە ايتتى.
– قازاقستاندا جول قۇرىلىسى جىل سايىن قارقىن الىپ كەلەدى. دەمەك, وسى سالاعا جول شەبەرلەرى مەن ينجەنەرلەر, زەرتحاناشىلار, اسفالتبەتون توسەۋشىلەر, اۆتوگرەيدەرشىلەر مەن مەحانيزاتورلار, قايتا وڭدەۋشىلەر, ارنايى تەحنيكانى جۇرگىزۋشىلەر, گەودەزيستەر, كارتوگرافتار, مەتەورولوگتار, مەحانيكتەر, توكارلار, ديزاينەرلەر, ءتىپتى عالىمدار دا اۋاداي قاجەت, -دەيدى جانتاس شاريپوۆ.
ونىڭ ايتۋىنشا, ەلىمىزدە جىلما-جىل مىڭداعان شاقىرىم رەسپۋبليكالىق جانە جەرگىلىكتى ماڭىزى بار اۆتوموبيل جولى سالىنىپ جاتىر. كەيبىر جول بولىكتەرىنە قايتا جوندەۋ جۇرگىزىلەدى. قازىر جول سالاسىنداعى جۇمىس پروتسەسى تولىقتاي اۆتوماتتاندىرىلعان.
ال جول ساپاسىن تەكسەرەتىن ورتالىق جىلجىمالى زەرتحانالارمەن, زاماناۋي قوندىرعىلارمەن قامتىلعان. بۇل جولدى ساپالى جانە جىلدام زەرتتەۋ جۇمىستارىن جەڭىلدەتىپ وتىر.
اتىراۋ وبلىسى