توتەنشە جاعداي رەجىمىنىڭ مامىر ايىنا دەيىن ۇزارتىلعانى, مەنىڭشە, دۇرىس شەشىم. ويتكەنى وسىنىڭ الدىندا ساراپشىلار توتەنشە جاعداي 15 مامىرعا قاراي اياقتالادى دەپ بولجاعان ەدى.
پرەزيدەنت مامىردىڭ 11-ىنەن باستاپ توتەنشە جاعداي رەجىمى اياقتالاتىنىن ايتىپ, ارنايى جارلىق شىعاردى. 1 مامىردان باستاپ نۇر-سۇلتان مەن الماتى قالالارىندا اۋە رەيستەرى اشىلاتىنى ءمəلىم بولدى. ءسوز جوق, بۇل – جاقسى حابار. ازاماتتاردىڭ قاتىناسىنا دا, اۋە قاتىناسى سالاسىنا دا وسى شەشىم ءتيىمدى بولادى دەپ سانايمىن.
بۇعان دەيىن مەديتسينا ماماندارى ادامدار ءوزارا ەكى مەترلىك اراقاشىقتىقتى ساقتاۋى كەرەكتىگىن ەسكەرتتى. ۇشاققا مەديتسينالىق بەتپەردە كيىپ كەلۋى كەرەكتىگى ايتىلدى. جولاۋشىلاردىڭ تەمپەراتۋراسى مىندەتتى تۇردە ولشەنەدى. كوروناۆيرۋس ينفەكتسياسىن جۇقتىرماعانى تۋرالى ارنايى مەديتسينالىق انىقتاما دا تالاپ ەتىلەدى. بۇل تالاپتار ساقتالسا, ىندەتتىڭ تارالۋىنا ءبىرشاما شەكتەۋ قويىلادى.
وسى رەتتە بارلىق ءتارتىپتى ساقتاۋ ءۇشىن سانيتارلىق سەرتيفيكات تاپسىرۋ ماسەلەسىن قولعا العان ارتىق بولمايدى دەپ سانايمىن. ويتكەنى جاۋاپكەرشىلىكپەن بىرگە, ونى قاداعالايتىن ەرەجە دە بولۋى ءتيىس. مۇنىڭ بارلىعىن تۇتىنۋشىلار, قىزمەت كورسەتۋشىلەر, تاۋار ساتۋشىلار جانە كاسىپكەرلەر ناقتى ساقتايتىن بولسا, قاۋىپتى دەرتتىڭ تارالىپ كەتۋىنە جول بەرىلمەيتىنى كۇمəنسىز.
ابىلاي مىرزاحمەتوۆ,
«اتامەكەن» ۇكپ باسقارما توراعاسى