ەلوردادا كوروناۆيرۋس ينفەكتسياسى بويىنشا پتر تەستتەن ءوتۋ اقىسى تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى.
«اقىلى تەستتەر بار. ونى اۋە قاتىناسىن پايدالاناتىن ازاماتتار مىندەتتى تۇردە تاپسىرادى. الماتى مەن نۇر-سۇلتان قالالارىندا بىرنەشە زەرتحانا بار. ولار باعانى وزدەرى بەلگىلەيدى. قۇنى 11 000 مەن 20 000 تەڭگەنىڭ اراسىندا», - دەدى ساۋلە قيسىقوۆا.
باسقارما باسشىسىنىڭ ايتۋىنشا, ىندەتتى جۇقتىرعاندارمەن جاقىن قارىم-قاتىناستا بولعانداردىڭ ءبارى تەگىن وتەدى. ودان بولەك الدىن الۋ جۇمىستارى بويىنشا پتر تەستتەردەن مەديتسينالىق قىزمەتكەرلەر, بلوك-پوستتا قىزمەتتە تۇرعاندار, مەملەكەتتىك-الەۋمەتتىك ۇيىمدارداعى ازاماتتار تەگىن تەكسەرىلەدى. سونداي-اق جرۆي ينفەكتسياسىن جۇقتىرعان ازاماتتار دا تەگىن تۇردە تەستتەن وتەدى.