حالىقتىڭ ءتوزىمى مەن سابىرىن سىناعان كۇندەردە بىرلىگىن دە, تىرلىگىن دە كورسەتىپ, ءبىر ءۇيدىڭ بالاسىنداي جۇمىس ىستەپ جاتقان ۇيىمدار بار. ەلىمىزدە تالاي سالانىڭ جىلدار بويى ىركىلمەگەن جۇمىسى توتەنشە جاعداي كەزىندە تولاس تاپقاندا, تىنىمسىز حالىققا ونلاين رەجيمدە اۋىزبىرشىلىكپەن قىزمەت كورسەتىپ جاتقان مەكەمەنىڭ ءبىرى – «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتى فيليالى ۇجىمى بولدى.
ۇجىمدا جۇمىس ىستەيتىن قازاق, ورىس, ۇيعىر, تۇرىك, دۇڭگەن, نەمىس, كارىس ۇلتىنىڭ وكىلدەرى جۇمىلىپ, تاتۋ-ءتاتتى ەڭبەك ەتىپ وتىر. «بەرەكە باستاۋى بىرلىك, ۇجىمداعى تاتۋ تىرلىك» قاعيداسىن ۇستانعان فيليال ماماندارى, قازىرگى قيىن كەزەڭدە دە ءبىر-بىرىنە قولداۋ ءبىلدىرىپ, قيىندىقتى بىرلەسە ەڭسەرۋگە كۇش سالۋدا. كارانتين كەزىندە قاشىقتىقتان, ءبىر-بىرىنەن وقشاۋ جۇمىس ىستەگەنىمەن, تىلەگى مەن نيەتى ءبىر ەكەندىگىن بەينەتاسپاعا جازىپ جەتكىزىپ جاتادى.
ماسەلەن, اۋەزوۆ اۋداندىق فرونت-ءوفيسىنىڭ مامانى, ءى توپتاعى مۇگەدەك, ورىس ۇلتىنىڭ وكىلى لاريسا كوزينا: ء«بىزدىڭ ورتاق ءۇيىمىز – قازاقستان ءوز حالقىنىڭ شىنايى دوستىعىن قامتاماسىز ەتىپ كەلەدى. ءوزارا تۇسىنىستىك, ۇستامدىلىق, ءار ءتۇرلى ۇلت وكىلدەرىنىڭ رۋحاني جانە مادەني قۇندىلىقتارىنا قۇرمەتپەن قاراۋ ادەبى بارلىق ەتنوستارعا ورتاق جالپى حالىقتىق يدەالدار مەن قاسيەتتەردى قالىپتاستىرۋعا اسەر ەتىپ وتىر. مەن دە وسىناۋ وتانىمنىڭ ءبىر بولشەگى رەتىندە ءوز ورنىمدى تاۋىپ,ەڭبەك ەتىپ جاتقانىما ءوزىمدى باقىتتى سانايمىن. قولداۋ كورسەتىپ وتىرعان ۇجىمىما العىس بىلدىرەمىن» دەسە, جەتىسۋ فرونت-وفيسىندە ەڭبەك ەتەتىن تۇرىك ۇلتىنىڭ وكىلى بەشلي وگلى تيۋركان مامەدقىزى دا ەلىنە, ۇجىمىنا دەگەن العىس سەزىمىن بىلاي جەتكىزەدى.
«ەڭ باستىسى ەلىمىزدە – ۇلتقا ءبولىپ ەمەس, ادام دەپ سىيلاۋ, بارلىق ۇلتتىڭ قۇقىقتارىنىڭ بىردەي بولۋى جانە قانداي باستاما, ىزگى ءىس بولسىن باستالۋىنا قولداۋ جاسالىپ جاتقاندىعى, ۇلتىنا قاراپ ەمەس, ىسكەرلىگىنە قاراي باعالانىپ جاتىر. تۋعان جەردىڭ توسىندە, قۇشاعىن جايعان بەيبىت ەلدىڭ ىشىندە ارقايسىمىز ءوز ۇلەسىمىزدى ەل بىرلىگىنىڭ ساقتالۋىنا, بەيبىت تە مازمۇندى ءومىر كەشۋىمىزگە اتسالىسىپ جاتقانىمىزعا قۋانامىن. بۇل ورايدا ءوزىم ەڭبەك ەتەتىن ۇجىمىمدى ەرەكشە ماقتان تۇتاتىنىمدى, بارلىق جاعدايدا بىرگە ەكەندىگىمىزدى جەتكىزگىم كەلەدى», – دەيدى.
ال فيليالدىڭ فرونت-وفيستەرىنىڭ بىرىندە ەڭبەك ەتەتىن ۇيعىر ۇلتىنىڭ وكىلى نازۋگۋم شاردينوۆا: «رەسپۋبليكامىزدا تۇراتىن ءتۇرلى ۇلت وكىلدەرىن بىرلىك مەرەكەسىمەن قۇتتىقتايمىن! ەڭ باستىسى, ۇلتارالىق تاتۋلىق ارقاسىندا بۇگىندە ەل تىنىش, جۇرت امان. وسى بەرەكەمىز بۇزىلماعاي», – دەيدى.
جەتىسۋ اۋداندىق فرونت-وفيسىندە ەڭبەك ەتەتىن دۇڭگەن ۇلتىنىڭ وكىلى مارينا راحىمباەۆا, قازاقستاندا تۇراتىن بارشا ۇلت اراسىنداعى دوستىققا سىزات تۇسپەسە ەكەن دەپ تىلەيمىن دەيدى. ء«بىز ءبىر وتاندا ءومىر ءسۇرىپ, ءبىر جەردىڭ سۋىن ءىشىپ, اۋاسىن بىرگە جۇتىپ جۇرگەندىكتەن – تاعدىرىمىز ءبىر باۋىرلارمىز. قازىرگىدەي اۋىر كۇندەر, بىزدەردىڭ ءبىر-بىرىمىزگە دەگەن دوستىق سەزىمىمىزدى ودان ءارى جاقىنداستىرا تۇسۋدە. مەن ۇجىمداستارىما ء«بىز ءبارىمىز بىرگەمىز!» دەي وتىرىپ, جۇرەكجاردى لەبىزىن جەتكىزەدى.
بوستاندىق فرونت-وفيسىندە كوپ جىلدان بەرى ەڭبەك ەتەتىن ۋكراين قىزى يرينا كۋحارسكايا دا قازاقستان حالقىن مەرەكەمەن قۇتتىقتاپ, ءوز سەزىمىن بىلايشا جەتكىزەدى: «قازىرگى ۋاقىتتا قازاقستان بۇكىل الەم سياقتى كۇردەلى كەزەڭدى باستان كەشۋدە. بىرلىگى جاراسقان كوپۇلتتى قازاقستان حالقى بۇل قيىندىقتى دا ەڭسەرەمىز! ويتكەنى ءبىز بىرگەمىز!»
«ەل باسىنا كۇن تۋعان قيلى زامانداردا دا حالقىمىزدى ۇلت رەتىندە ساقتاپ قالعان – ىنتىماعى مەن بىرلىگى. جاۋگەرشىلىك زاماندا باسى اۋعان جاققا كوشىپ ءجۇرىپ تە بەرەكەسى مەن قازانىن ورتايتپاعان قاسيەتتى قاناعاتشىل حالقىمىز, بۇل قيىندىقتى دا ەڭسەرەرى ءسوزسىز. «بىرلىك بار جەردە – تىرلىك بار» دەمەكشى, «ازاماتتارعا ارنالعان ۇكىمەت» مەملەكەتتىك كورپوراتسياسى وسىنداي ەل باسىنا كۇن تۋعان سىن ساعاتتاردا بىرلىگىن دە, تىرلىگىن دە كورسەتىپ وتىر», – دەيدى الماتى فيليالىنىڭ PR-مەنەدجەرى جاڭىل اپەتوۆا.