كەشە پەتروپاۆلدىڭ ورتالىق كوشەلەرىنىڭ ءبىرى – ك.سۇتىشەۆ, 51 ۇيدەگى پاتەرلەردىڭ بىرىنەن ءورت شىعىپ, قالانىڭ قاق ورتاسىن قاتتى دۇرلىكتىردى.
قالالىق №2-ءشى ءورت ءسوندىرۋ ءبولىمىنىڭ 3 ورتسوندىرگىش ماشينالارى دابىلدارىن بەزىلدەتىپ جۇرتتىڭ نازارىن وزىنە اۋداردى.ابىروي بولعاندا ورتسوندىرۋشىلەردىڭ جەدەل قيمىلدارىنىڭ ناتيجەسىندە ءتىلسىز جاۋ جىلدام قۇرىقتالدى. توعىز ءورتسوندىرۋشى از ۋاقىتتا 36 تۇرعىندى ورتتەن ەۆاكۋاتسيالاپ ۇلگەردى. ءورت 3-ءشى قاباتتاعى ءبىر ءۇيدىڭ بالكونىنان شىققان ەكەن. ورتسوندىرۋشىلەر وعان باسپالداقپەن سىرتتان كىرىپ, وتتى جىلدام ءوشىردى. وت پاتەردى شارپىعانىمەن ىشكە جايىلىپ ۇلگەرمەدى. سونىمەن بىرگە كورشى پاتەرلەرگە دە زاردابىن تيگىزگەن جوق. تەك ءۇيدىڭ كىرەبەرىسىنە ءتۇتىن تولىپ كەتكەن.قازىر ءورتتىڭ شىعۋ سەبەپتەرى انىقتالۋدا. بۇل جىل باسىنان بەرگى وبلىستاعى 181-ءشى ءورت. بىلتىرعى جىلدىڭ سايكەس مەرزىمىمەن سالىستىرعاندا بۇل 17 پايىزعا از بولعانىمەن تيگىزگەن زالالدارى كەم ەمەس. ون التى ادام ءورتتىڭ سالدارىنان مەرت بولدى, سونىڭ ىشىندە ەكەۋى بالا. كەلتىرىلگەن ماتەريالدىق شىعىن 28 ملن تەڭگەدەن اسىپ وتىر. سوندىقتان تج دەپارتامەنتى تۇرعىندارعا ورتتەن ساق بولۋ قاجەتتىگىن ۇنەمى ەسكەرتىپ وتىرادى.