جازى قىسقا, جىلۋى از ءبىزدىڭ ءوڭىر ءۇشىن كوكونىس ءوسىرۋ قياپات شارۋا. ايتسە دە, جەكەلەگەن اۋدانداردا جىلىجاي سالىپ جاپ-جاقسى ءونىم الىپ وتىرعان مىسالدار از ەمەس.
تاياۋدا زەرەندى اۋدانىنىڭ اكىمى باۋىرجان عايسامەن جۇزدەسكەن ساتىندە وبلىس اكىمى ەرمەك مارجىقپاەۆ كوكونىسكە كوڭىل اۋدارۋ كەرەكتىگىن تياناقتاپ تاپسىردى. وعان بارلىق مۇمكىندىك بار. قۇنارلى جەر دە, سۋ دا جەتكىلىكتى. دايىن ءونىمدى وتكىزۋ دە ەشبىر قيىندىق تۋعىزبايدى. ويتكەنى , باسەكەلەستىك بەل الىپ تۇرعان جوق. ەگەر ديقاندار وسى جۇمىستى مىقتاپ قولعا السا, وزدەرى دە تابىسقا كەنەلىپ, ءارى بازار باعاسىن ارزانداتۋعا سەپ بولار ەدى.
اۋداندا كوكتەمگى ەگىس ناۋقانى باستالىپ تا كەتتى. بارلىعى 120 مىڭ گەكتار جەرگە ىلعال جابۋ جۇمىستارى جۇرگىزىلگەن. كەيبىر شارۋا قوجالىقتارى وتكەن جىلمەن سالىستىرعاندا تاناپ باسىنا كەش شىعىپ وتىر. ەگىسكە قاجەتتى تۇقىم وتاندىق وندىرۋشىلەردەن ساتىپ الىنعان. ازىرگە 8000 گەكتار جەرگە ءدان ءسىڭىرىلدى.
–بىزگە جۇكتەلگەن مىندەت كوپ. اگرارلىق جىل باستالۋدا. اۋىل شارۋاشىلىعىمەن اينالىساتىندارعا مەملەكەت 5 پايىزدىق جەڭىلدىكپەن نەسيە بەرۋدە, ديزەل وتىنىنىڭ 1 ءليترى 165 تەڭگەدەن ساتىلۋدا. ۇكىمەت تاراپىنان قولداۋ كوپ. سوندىقتان, بارىنشا ەڭبەكتەنەيىك,–دەدى, اقمولا وبلىسىنىڭ اكىمى ەرمەك مارجىقپاەۆ.
بيىل قار قالىڭ تۇسكەندىكتەن ىلعال دا مول. ديقان قاۋىمىنىڭ ەڭبەگى اقتالاتىن-اق جىل بولىپ تۇر.
اقمولا وبلىسى