وسىعان وراي, بۇگىن اقپاراتتىق-كوممۋنيكاتسيالىق ورتالىعىندا وتكەن ونلاين بريفينگتە شىمكەنت قالالىق تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ باسشىسى عالىمجان تولەپوۆ تۇرعىندارعا بەرىلەتىن وتەماقىعا قاتىستى جان-جاقتى اقپارات بەردى.
-اتالعان كومەكتى الۋ ءۇشىن ازاماتتاردان وتىنىمدەردى قابىلداۋ ماقساتىندا «communal-komek.kz» سايتى ىسكە قوسىلعان بولاتىن. وندا ءاربىر ازامات ءوزىنىڭ جسن, الەۋمەتتىك مارتەبەسىن جانە جەكە شوتتارىن ەنگىزە وتىرىپ, ءوتىنىم بەرە الادى. جالپى 21 ساۋىردەن باستاپ 22 390 ءوتىنىم كەلىپ ءتۇستى. ونىڭ ىشىندە 14 773 ازاماتتىڭ جەكە شوتتارى سايكەستىگى دەرەكتەر ارقىلى تەكسەرىلىپ, ناتيجەسى بويىنشا 7518 ازاماتتىڭ ەسەپ شوتتارى انىقتالماعان. ال 7 255 ازاماتتىڭ ءوتىنىمى ماقۇلدانعان, - دەدى باسقارما باسشىسى.
ايتا كەتسەك, الەۋمەتتىك كومەك بويىنشا ازاماتتارعا كەڭەس بەرۋ ماقساتىندا شىمكەنتتە Call-ورتالىق اشىلعان. ورتالىق تاڭعى 09:00 مەن 18:00-گە دەيىن ءۇزىلىسسىز جۇمىس ىستەيدى. 15 000 تەڭگە كولەمىندەگى كوممۋنالدىق تولەمگە قاتىستى ساۋالدار بولسا, 8(7252) 39-23-68 نومىرىنە حابارلاسۋلارىڭىزعا بولادى. وعان قوسا, قالادا ۆولونتەرلەر ارقىلى «ىزگىلىك» Call-ورتالىعى جۇمىسىن جالعاستىرۋدا.
شىمكەنت