كولىكتەگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى سادۋاقاس بايعابىلوۆ نۇر-سۇلتان جانە الماتى قالالارىندا ىشكى اۋە رەيستەردى قايتا ىسكە قوسقان سوڭ سانيتارلىق-كارانتيندىك باقىلاۋدى كۇشەيتۋگە قاتىستى نەگىزگى تالاپتاردى اتادى.
«جولاۋشىنىڭ COVID-9 جۇقتىرماعانى تۋرالى انىقتاماسى بولۋى كەرەك. سونداي-اق جولاۋشىلار ۇشاق ىشىندە اراقاشىقتىق ساقتاپ, ياعني اراعا ءبىر ورىندىق قالدىرىپ وتىرۋلارى كەرەك. ۇشىنشىدەن, ۇشاقتا ءار جولاۋشى مەديتسينالىق ماسكا كيىپ وتىرۋعا مىندەتتى. تورتىنشىدەن, ۇشاق بورتىندا دەزينفەكتسيا جاساۋ شارالارى كۇشەيتىلەدى», - دەدى سادۋاقاس بايعابىلوۆ ورتالىق كوممۋنيكاتسيالار قىزمەتىندە وتكەن ونلاين بريفينگتە.