«Microsoft» كومپانياسىنىڭ نەگىزىن قالاۋشى بيلل گەيتس مىرزانىڭ: «الەم كوروناۆيرۋس ىندەتىن تىزگىندەپ, شەكتەۋلەردى الىپ تاستاسا دا, دۇنيە ءجۇزى بۇرىنعىداي قالىپتى ءومىر تىرشىلىگىنە ءبىر-ەكى جىلدا كەلە المايدى» دەگەن پايىمىن كەشە فرانتسۋزدىڭ «Le Figaro» اقپارات كوزى تاراتتى.
– بۇعان اسەر ەتەتىن ءبىرىنشى فاكتور – دەيدى ب.گەيتس.
– الەم كوروناۆيرۋستىڭ ءدارىسىن ءالى تاپقان جوق. سول سەبەپتى, ادامدار ىندەتتىڭ كەسىرىنەن پايدا بولعان پسيحولوگيالىق ۇرەيدەن ارىلا المايدى. دەرتى اۋىزدىقتايتىن ۆاكتسين تابىلمايىنشا ادامدار بيلىك باسىنداعى تۇلعالاردىڭ سوزىنە سەنبەيتىن احۋال قالىپتاسادى. ياعني, بۇقارانى تىنىشتانداراتىن تەك – ۆاكتسينا. سوندىقتان, ءوزىم باسقارىپ وتىرعان قوردىڭ جۇمىسىن وسى باعىتقا بەيىمدەيتىن بولامىن.