كۇنشىعىس ەلىنىڭ «Nikkansports» اقپارات كوزىنىڭ مالىمدەۋىنە قاراعاندا, كەلەسى جىلعا شەگىندىرىلىگەن «توكيو-2020» جازعى ويىندارى ۋاقىتىندا وتپەيتىن ءتۇرى بار. بۇل حاباردى وليمپيادا ويىندارىن ۇيىمداستىرۋ كوميتەتىنىڭ توراعاسى يوشيرو موري كەشە جۋرناليستەرمەن كەزدەسۋىندە باياندادى.
بۇعان سەبەپ – الەمدى قاۋىزىنا سىيدىرعان كوروناۆيرۋستىڭ سالدارى كورىنەدى.
وتكەندە عانا حالىقارالىق وليمپيادا كوميتەتىنىڭ توراعاسى توماس باح پەن جاپونيا ەلىنىڭ پرەمەر-ءمينيسترى ابە شينزولار 24 ناۋرىزدا توقايلاسىپ, جازعى سپورت ويىندارىن كەلەسى جىلى وتكىزۋگە كەلىسكەن بولاتىن. بىراق ىندەتتىڭ سالدارىنان بۇل دا بولمايتىن ءتۇرى بار. ياعني, تاعى دا ءبىر جىلعا شەگەرىلمەك.
دەسە دە قاشان وتەتىنى بەلگىسىز جازعى سپورت ويىندارى «توكيو-2020» تيتۋلىن وزگەرتپەيدى.
جالپى بۇل ماسەلە دە ەڭ كوپ قارجىلىق شىعىنعا ۇشىراپ وتىرعان ەل – جاپونيا. بۇل ەل تەك جازعى سپورت ويىندارىنىڭ الدان الا دايىندىق جۇمىستارى ءۇشىن 12 ميلليارد دوللار جۇمساعان ەكەن.