ەگەر استىقتىڭ تونناسى كەنەتتەن مۇنايىنىڭ تونناسىمەن سالىستىرعاندا ارتىق باعالانسا, وندا الەمدىك شيكىزات پەن ازىق-ت ۇلىك نارىعى تۇراقسىزدىققا تاپ بولعانىن كورسەتەدى.
دۇنيەجۇزىلىك بانك كەلتىرگەن مالىمەتتە الەم بويىنشا بيىل جىل سوڭىنا دەيىن اۋىلشارۋاشىلىعى ونىمدەرىنىڭ قورى جەتكىلىكتى بولىپ, جالپى باعا تۇراقتى دەڭگەيدە ساقتالادى دەلىنگەن. ازىق-ت ۇلىك باعاسىندا تۇراقتىلىق ساقتالعانىمەن سالادا كەم-كەتىك ماسەلەلەر ورىن الۋ بەكمۇمكىن. مىسالى, تىڭايتقىشتاردىڭ جەتىسپەۋى يا بولماسا جۇمىس كۇشىنىڭ قول جەتىمدى بولماۋى كۇتىلۋدە.
بۇدان بولەك, لوگيستيكا سالاسىندا بىرقاتار كەلەلى ماسەلەلەردىڭ تۋىنداۋى دامۋشى ەلدەردىڭ نارىعىنا جىبەرىلەتىن گۇلدەر, جەمىستەر مەن كوكونىستەر سياقتى تەز بۇزىلاتىن ونىمدەردىڭ ەكسپورتىن تەجەيدى.
پاندەميا مەن وعان قارسى كۇرەستىڭ سالدارى اگرارلىق ءونىم وندىرۋشىلەر ءۇشىن دە, تۇتىنۋشىلار ءۇشىن دە ءارتۇرلى بولۋى مۇمكىن. مىسالى, گەرمانيادا شەكارانىڭ جابىلۋىماۋسىمدىق اۋىل شارۋاشىلىعى جۇمىسشىلارىنا كەدەرگى كەلتىرىپ وتىر. نەمىس شارۋا وداعىنىڭ (DBV) باسشىسى يواحيم رۋكۆيدتىڭ ايتۋىنشا, نەگىزگى ازىق-ت ۇلىكپەن قامتاماسىز ەتۋ ماسەلەسىندە قيىندىقتار بولۋى مۇمكىن ەمەس, بىراق كوكونىستەر مەن جەمىستەرگە قاتىستى كەيبىر داقىلداردىڭ تاپشى بولۋى مۇمكىن. ءوز كەزەگىندە ءونىمنىڭ جەتىسپەۋشىلىگى باعاعا اسەر ەتەدى.
ال نەگىزىگى ازىق سانالاتىن ازياتتىقتاردىڭ كۇرىشى الداعى جوسپارلانعان ۋاقىتقا جەتپەي قالۋى مۇمكىن. بيىل كۇرىش باعاسى تايلاندتا التى جىلدان استام ۋاقىت ىشىندە ەڭ جوعارى دەڭگەيگە دەيىن كوتەرىلگەن. ۆەتنام ۇكىمەتى 25 ناۋرىز كۇنى حالىقتى قامتاماسىز ەتۋ جانە رەزەرۆتەر جيناۋ ءۇشىن كۇرىش ەكسپورتىنا ۋاقىتشا تىيىم سالدى. ىندەتكە دەيىن ۆەتنام مەن تايلاند الەمدىك نارىققا كۇرىشتى ەكسپورتتاپ وتىرعان كوشباسشى ەلدەر ساناتىنا جاتقىزىلىپ كەلگەن ەدى.
الەمدىك نارىققا بيداي ەكسپورتىن تۇراقتى جۇرگىزىپ وتىرعان رەسەي 1 ساۋىردەن باستاپ ەۋرازيالىق ەكونوميكالىق وداق (ەەو) شەگىنەن تىس ەلدەرگە نەگىزگى ءداندى - داقىلدار-بيداي, قارا بيداي, ارپا, جۇگەرى ەكسپورتىنا شەكتەۋ ەنگىزدى. بۇعان دەيىن ءبىزدىڭ ەل دە بيدايدى سىرتقا شىعارۋعا تيىم سالعانىن بىلەمىز. كەيىن كۆوتا ارقىلى ياعني شەكتەلگەن كولەمدە ەكسپورتتالاتىنى بەلگىلى بولدى. كەيىن اۋىلشارۋاشىلىعى مينيسترلىگى شەكارادان شىعارۋعا تىيىم سالىنعان اۋىل شارۋاشىلىعى تاۋارلارىنىڭ تولىق ءتىزىمىن جاساپ, قاراقۇمىق, قانت, كارتوپ, ءسابىز, قىزىلشا, كۇنباعىس مايى سىندى ونىمدەر كۆوتا ارقىلى ەكسپورتتالىپ وتىر.
بۇۇ-نى ىندەتتىڭ ارتى تيىلماسا, الەم بويىنشا ازىق-ت ۇلىك جەتىسپەۋى ورىن الىپ, ءتىپتى, وسى جىلدىڭ سوڭىنا قاراي جەر جاھانداعى 265 ميلليون ادام جەرەر اسقا جارىماي قالۋى مۇمكىن ەكەنىن ايتىپ دابىل قاعۋدا. بۇۇ ازىق-ت ۇلىك جانە اۋىل شارۋاشىلىعى ۇيىمىنىڭ باسشىسىماكسيمو تورەرونىڭ ايتۋىنشا, اۋىلشارۋاشىلىعى دامىعان ەلدەردە ەگىن جاقسى بولعانىمەن, بۇل سالادا قىزمەتكەرلەر سانى جەتىسپەۋى مۇمكىن.
̶ بۇل جاعداي باعاعا اسەر ەتىپ, تاريفتەر قىمباتتايدى, ءار ەل الدىمەن ءوز حالىقىن قامتاماسىز ەتۋ ءۇشىن ءونىم ەكسپورتىنا شەكتەۋ ەنگىزەدى. جاعداي كۇردەلەنسە, ۇكىمەتتىڭ ازىق - ت ۇلىك اعىنىن شەكتەۋى مۇمكىن. ەركىن ساۋدا اعىنى ەندى باقىلاۋعا الىنادى. بۇل جاعداي ەلدەر اراسىنداعى نارىققا تالاستىڭ تۋىنا, تۇيىتكىلدى ماسەلەلەردىڭ ورناۋىنا الىپ كەلۋى مۇمكىن. حالىقتى ازىق-ت ۇلىكپەن قامتاماسىز ەتۋمەن قاتار, ءونىم وندىرۋشىلەردىڭ داعدارىسقا ۇشىراماۋىن قاداعالاۋ دا اسا ماڭىزدى. اسىرەسە, وداقتاس ەلدەر ءوز ونىمدەرىن كورشى ەلدەرگە كوپتەپ وتكىزۋگە تىرىسۋى مۇمكىن. تۇپتەپ كەلگەندە شيلەنىستەن قاشىپ, بۇكىل الەم بويىنشا ازىق-ت ۇلىك اعىنىن قورعايتىن ۋاقىت جەتتى, ̶ دەدى بۇۇ ازىق-ت ۇلىك جانە اۋىل شارۋاشىلىعى ۇيىمىنىڭ باسشىسى.