يتاليانىڭ ايگىلى فۋتبولشىسى چيرو فەررارا نەاپولدە وتكەن اۋكتسيوندا داڭقى جەر جارعان ديەگو مارادونانىڭ فۋتبولكاسىن 55 مىڭ ەۋروعا ساتىپ, سول قاراجاتتى تۇتاستاي كوروناۆيرۋسكە قارسى كۇرەسكە جۇمسادى.
ارگەنتينانىڭ ۇلتتىق قۇراماسى مەن يتاليانىڭ ا سەرياسىندا ونەر كورسەتەتىن ء«ناپوليدىڭ» ساپىندا تالاي بيىك بەلەستەردى باعىندىرىپ, الەمدىك فۋتبول تاريحىندا ەسىمى پەلەمەن قاتار اتالاتىن مارادونا وسىنداي قايىرىمدىلىق جاساعان ءوزىنىڭ بۇرىنعى كوماندالىق ارىپتەسىنە زور ريزاشىلىعىن ءبىلدىردى. ءدال وسى فۋتبولكانى تۋرا 33 جىل بۇرىن ديەگو يتاليا مەن ارگەنتينا قۇرامالارى اراسىنداعى كەزدەسۋدەن كەيىن چيروعا سىيعا تارتقان ەدى.
53 جاستاعى چيرو فەررارا دا كەزىندە مىقتى فۋتبولشى. نەاپولدا تۋىپ-وسكەن ول جەرگىلىكتى «ناپولي» مەن ءتۋريننىڭ «يۋۆەنتۋستى» ساپىندا وينادى. 1987-2000 جىلدار ارالىعىندا يتاليا ۇلتتىق قۇراماسىنىڭ نامىسىن قورعادى. امپلۋاسى – قورعاۋشى. 1990 جىلى الەم چەمپيوناتىنىڭ قولا جۇلدەگەرى, 1988 جانە 2000 جىلدارى ەۋروپا بىرىنشىلىگىنىڭ كۇمىس جانە قولا جۇلدەگەرى اتاندى.