بۇگىن قاراعاندى وبلىسىندا تەمىرتاۋ قالاسىنىڭ سەگىز تۇرعىنىنىڭ كوروناۆيرۋس ينفەكتسياسىن جۇقتىرعانى بەلگىلى بولدى, دەپ حابارلادى وبلىس اكىمىنىڭ ءباسپاسوز قىزمەتى.
اۋىرعانداردىڭ اراسىندا 25 جانە 24 جاستاعى ەكى جىگىت پەن 1967, 1985, 1990 جانە 1998 جىلدارى تۋعان ءتورت ايەل بار. سونداي-اق ءۇش جاستاعى جانە بيىل تۋعان قىز بالالارعا دا ىندەت جۇققان.
ناۋقاستاردىڭ بارلىعى ينفەكتسيالىق ستاتسيونارعا جاتقىزىلدى.
بۇگىنگى كۇندە قاراعاندى وبلىسىندا COVID-19 جۇقتىرۋدىڭ 128 وقيعاسى رەسمي تۇردە تىركەلگەن. ونىڭ ىشىندە ءبىر ادام قايتىس بولدى جانە 37 ناۋقاس جازىلىپ شىقتى.
قاراعاندى وبلىسى