جىلىوي اۋدانىندىق سوتىندا جاڭاقاراتون كەنتىندەگى ورتا مەكتەپتىڭ ەسەپشىسىنە قاتىستى ءىس قارالىپ, ايىپتالۋشى بەس جىلعا باس بوستاندىعىنان ايىرىلدى.
«ول بيۋدجەت قاراجاتىن جىمقىردى دەپ ايىپتالدى. سوتتالۋشى 2017 جىلدىڭ جەلتوقسانىنان 2019 جىلدىڭ قىركۇيەگىنە دەيىن وزىنە جوعارى جالاقى ەسەپتەپ, بانك كارتوچكاسىنا قوسىمشا تولەم اۋدارىپ وتىرعان. زاڭسىز الىنعان قارجىنىڭ جالپى سوماسى 24 ملن 247 مىڭ تەڭگەنى قۇرادى. سوت جازانى جەڭىلدەتۋ جاعدايىن ەسكەرىپ, سوتتالۋشىنى 5 جىلعا باس بوستاندىعىنان ايىردى. جازانى قولدانۋ مەرزىمى 3 جاستاعى مۇگەدەك بالاسى 14 جاسقا تولعانعا دەيىن كەيىنگە قالدىرىلدى. سوتتالۋشى بيۋدجەتتەن جىمقىرعان قارجىنى تولىقتاي قايتارۋعا مىندەتتەلدى» دەپ حابارلادى اتىراۋ وبلىستىق سوتىنىڭ ءباسپاسوز قىزمەتىنەن.