«كوركەم تەلەكوم» كومپانياسى ءباسپاسوز قىزمەتىنىڭ مالىمەتىنە سۇيەنسەك, «سەرگەك» جوباسى اياسىندا اتىراۋ قالاسىندا 2748 كامەرا ورناتۋ كوزدەلىپتى.
ونىڭ 774-ءى قوعامدىق قاۋىپسىزدىكتى باقىلاۋعا ارنالعان. بۇعان دەيىن ورناتىلعان 750 بەينەباقىلاۋ كامەراسى دا جۇيەگە قوسىلادى. ال جول قيىلىستارى مەن جەلىلىك ۋچاسكەلەردى 612 كامەرا باقىلايدى. سونداي-اق جوبا اياسىندا پوليتسەيلەرگە ارنالعان 100 پلانشەت پەن 10 ەكومەتەوداتچيك قاراستىرىلعان.
– بۇل جوبا كەزەڭ-كەزەڭمەن ىسكە قوسىلادى. جول قوزعالىسى ەرەجەلەرىن بۇزعانداردى تىركەۋ جانە ايىپپۇل سالۋ جۇيەسىن ىسكە قوسۋ تۋرالى وكىلەتتى ورگاندار قوسىمشا اقپارات بەرەدى,- دەپ حابارلادى كومپانيانىڭ ءباسپاسوز قىزمەتى.