نۇر-سۇلتان قالاسىندا 17 ساۋىردەن باستاپ ااك الاتىن وتباسىلاردىڭ 1 جاستان 6 جاسقا دەيىنگى بالالارىنا ازىق-ت ۇلىك جيىنتىعى مەن تۇرمىستىق حيميا تاۋارلارى بەرىلەدى. بۇل تۋرالى ەلوردا اكىمدىگىنىڭ رەسمي سايتى حابارلادى.
كەپىلدەندىرىلگەن الەۋمەتتىك پاكەتتەر كەستە بويىنشا «ماگنۋم» جشس ساۋدا جەلىسىنىڭ سۋپەرماركەتتەرىندە بەرىلەتىن بولادى. جالپى كەپىلدەندىرىلگەن الەۋمەتتىك پاكەتتەرمەن 2,7 مىڭنان استام وتباسىن, اتاپ ايتقاندا 4,6 مىڭ بالانى قامتۋ جوسپارلانعان.
الەۋمەتتىك پاكەت الۋشىلار تىزىمىنەن ءوزىڭىزدى http://www.magnum.kz/garantirovannaya-socialnaya-pomoshh سايتىندا جسن ارقىلى تەگىن تەكسەرۋگە بولادى.
كەستەدە كەپىلدەندىرىلگەن الەۋمەتتىك پاكەتتى قاشان جانە قايدا الۋ كەرەگى كورسەتىلگەن. كەپىلدەندىرىلگەن الەۋمەتتىك پاكەتتەردى بەرۋ ۋاقىتى ساعات 9:00-دەن 18:00-گە دەيىن.
ايتا كەتەيىك, قازىرگە دەيىن كەپىلدەندىرىلگەن الەۋمەتتىك پاكەت 1,5 مىڭ وتباسىنا بەرىلىپ, 2 مىڭنان استام بالا قامتىلدى.
سونداي-اق Bizbirgemiz اكتسياسى اياسىندا وسى وتباسىلارعا 50 ءبىر رەتتىك مەديتسينالىق ماسكا بەرىلۋدە. كەپىلدى الەۋمەتتىك كومەك الۋشىلار كورسەتىلگەن قولداۋ ءۇشىن العىس بىلدىرۋدە.
«توتەنشە جاعداي كەزىندە ۇكىمەت ازاماتتارعا قولداۋ كورسەتۋدە. جىل باسىنان بەرى مەملەكەتتەن ەكىنشى رەت كەپىلدى الەۋمەتتىك كومەك الدىم. ول ازىق-ت ۇلىك, بالالارعا ارنالعان تاماق جانە تۇرمىستىق حيميانى قامتيدى. ماعان Nur Otan پارتياسىنان مەديتسينالىق ماسكالار جيىنتىعىن بەردى. بۇدان باسقا, ءبىز 42 500 تەڭگە الەۋمەتتىك تولەم الدىق. مۇنداي قيىن كۇندەرى بۇل حالىق ءۇشىن ۇلكەن كومەك. ەل باسشىلىعىنا العىسىمدى بىلدىرەمىن», – دەدى «التىن القا» يەگەرى شولپان كالىنگاراەۆا.
ەستەرىڭىزگە سالا كەتەيىك, مەملەكەت باسشىسى قازاقستان حالقىنا جولداۋىندا ااك تاعايىنداۋ تەتىگىن ونىڭ اشىقتىعىن, ادىلدىگىن جانە ەڭبەككە دەگەن ۋاجدەمەسىن قامتاماسىز ەتۋ ماقساتىندا تۇزەتۋدى تاپسىرعان بولاتىن. مەملەكەتتىك كومەكتىڭ جاڭا شارالارى 2020 جىلدىڭ 1 قاڭتارىنان باستاپ كەشەندە جۇزەگە اسىرىلادى جانە وعان كوپ بالالى وتباسىلارعا ارنالعان جاڭا جاردەماقى, ااك جانە از قامتىلعان وتباسىلارداعى بالالارعا ارنالعان كەپىلدەندىرىلگەن الەۋمەتتىك پاكەت كىرەدى.