26 ساۋىردە رەسەيدە ىندەت باستالعالى بەرى كوروناۆيرۋستى جۇقتىرعان 6 361 ادام انىقتالدى. بۇعان قوسا, سانكت-پەتەربۋرگتە ەكىنشى دارىگەردىڭ ۆيرۋستىڭ سالدارىنان كوز جۇمعانى بەلگىلى بولدى.
COVID-19-دىڭ كەسىرىنەن الەكساندروۆ اۋرۋحاناسىنىڭ نەيروحيرۋرگيا بولىمشەسىنىڭ مەڭگەرۋىشىسى الەكسەي فيليپپوۆ قايتىس بولدى. رەسەيدە كوروناۆيرۋس ينفەكتسياسىن جۇقتىرعانداردىڭ جالپى سانى 80 949 ادامدى قۇراپ وتىر, قايتىس بولعاندار سانى — 747. ۆيرۋس بۇل ەلدىڭ بارلىق 85 وڭىرىنە تارالعان. سونىمەن قاتار, 517 ناۋقاس ءبىر تاۋلىكتە اۋرۋحانادان شىعارىلعان,ال پاندەميا باستالعالى رەسەيدە 6,7 مىڭنان استام ادام اۋرۋىنان ايىعىپ شىققان.