نۇر-سۇلتاندا 42,5 مىڭ تەڭگە كولەمىندە الەۋمەتتىك كومەك كورسەتۋگە 11,5 ميلليارد تەڭگە تولەندى. 26 ساۋىردە الەۋمەتتىك كومەكتى 270 مىڭنان استام ادام الدى. وتىنىمدەردى قالا اكىمدىگى «ازاماتتارعا ارنالعان ۇكىمەت» كەاق جانە ماسق-مەن بىرلەسىپ وڭدەيدى. قالالىق شتاب دەمالىسسىز, كۇشەيتىلگەن تارتىپتە جۇمىس جاساۋدا.
مەملەكەت باسشىسىنىڭ تاپسىرماسىمەن 42,5 مىڭ تەڭگە كولەمىندە الەۋمەتتىك تولەمدى الۋشىلار ءتىزىمى كەڭەيتىلدى.
«مەن دەكرەتتىك دەمالىستاعى جالعىزباستى انامىن. ءۇش بالا تاربيلەپ وتىرمىن. قازىر مەملەكەت بىزگە كومەكتەسۋدە. مەن 42,5 مىڭ تەڭگە كولەمىندە تولەم الۋعا ءوتىنىش بەرگەن سوڭ, تەلەفونىما الەۋمەتتىك كومەك تاعايىندالعانى تۋرالى حابارلاما كەلدى. مەن دەرەۋ 20 ساندىق كارتا مالىمەتتەرىن جىبەرىپ, اقشالاي كومەك الدىم. وسىناۋ قيىن كۇندەرى ءبىزدى نازاردان تىس قالدىرعان جوق. سونداي-اق, Biz birgemiz اكتسياسى اياسىندا اكىمدىك Nur Otan پارتياسىمەن بىرگە ازىق-ت ۇلىك سەبەتتەرىن تاراتتى. ءبىز بۇل كومەك ءۇشىن وتە قۋانىشتىمىز», – دەيدى ءۇش بالانىڭ اناسى عاليا بايتورەەۆا.
توتەنشە جاعداي كەزىندە الەۋمەتتىك كومەكتى بۇرىن رەسمي جۇمىس ىستەگەن ادامدار عانا ەمەس, ءوزىن-ءوزى جۇمىسپەن قامتىعان, ءبىر جىلدان بەرى دەكرەتتىك دەمالىستاعى ايەلدەر, سونداي-اق ستۋدەنتتەر الادى. بۇرىن حابارلانعانداي, 42,5 مىڭ تەڭگە كولەمىندە الەۋمەتتىك جاردەماقى الۋعا وتىنىشتەردى «ەلەكتروندى ۇكىمەت» ۆەب-پورتالى, telegrambot egov.kz نەمەسە 42500.enbek.kz سايتى ارقىلى ونلاين-رەجيمدە بەرۋگە بولادى. ءوتىنىمدى بەرۋ ادىستەرى بارىنشا جەڭىلدەتىلگەن.
ەلباسى تاپسىرماسى بويىنشا 50 مىڭ كولەمىندە الەۋمەتتىك كومەكتى 14,5 مىڭعا جۋىق قالا تۇرعىنى الدى. ونىڭ جالپى سوماسى 724 ملن تەڭگەنى قۇرايدى. اتالعان كومەكتى تاعى 28 مىڭ ادام الادى, ال بۇل 1,4 ملرد تەڭگەنى قۇرايدى. وسى كومەك الاتىندار ساناتىنا از قامتىلعان وتباسىلار, مۇگەدەكتەر (1,2-ءشى توپتاعى مۇگەدەكتەر, مۇگەدەكتىگى بار زەينەتكەرلەر, ااك الۋشىلار), مۇگەدەك بالاعا كۇتىم جاساۋشى تۇلعالار (ااك الۋشىلار), زەينەتكەرلەر (ەڭ تومەنگى زەينەتاقى الۋشىلار), جەتىمدەر, ۇوس قاتىسۋشىلارى مەن مۇگەدەكتەرى, ولارعا تەڭەستىرىلگەن ازاماتتار جانە تىل ارداگەرلەرى.
سونىمەن قاتار, باسقا دا الەۋمەتتىك قولداۋ شارالارى كورسەتىلۋدە. اتاپ ايتقاندا, اتاۋلى الەۋمەتتىك كومەك, ازىق-ت ۇلىك پاكەتىن بەرۋ تۇرىندەگى كەپىلدەندىرىلگەن الەۋمەتتىك كومەك, مەديتسينالىق ماسكالار جانە باسقا دا قورعانىش زاتتارى تاراتىلۋدا.