پاندەمياعا بايلانىستى ەلىمىزدە بولىپ جاتقان جاعداي كەزىندە مەملەكەتىمىزدىڭ كومەككە مۇقتاج جانداردى نازاردان قالدىرماي, قول ۇشىن بەرىپ جاتقانىنا العىس ايتقىم كەلەدى.
بالا كۇتىمىمەن دەمالىستا وتىرمىن. ءۇش بالانىڭ اناسىمىن. كۇيەۋىم ءوزىن ءوزى جۇمىسپەن قامتىپ, وتباسىن اسىراپ جۇرگەن ازامات. توتەنشە جاعداي كەزىندەگى الەۋمەتتىك تولەم – 42 500 تەڭگە تولەم شوتىما ءتۇستى. قازىرگى كەزدە جۇمىس ورىندارى ۋاقىتشا توقتاپ, قالادا كارانتين جاريالانعان كەزدە بۇل قاراجاتتىڭ بەرىلۋى, راسىندا, ءبىز سەكىلدى وتباسىلارعا كومەك بولدى.
قولدا باردى قاناعات تۇتىپ, قيىن-قىستاۋ كەزەڭدە قيىندىقتان شىدامدىلىقپەن بىرلەسىپ, تارتىپكە باعىنىپ شىقساق دەيمىن. قازىر تەلەديدار, الەۋمەتتىك جەلى ارقىلى ەلىمىزدە بولىپ جاتقان ءاربىر جاڭالىقتى جىبەرمەي كورىپ وتىرمىز. پرەزيدەنتىمىز تاراپىنان جاسالىپ جاتقان يگى ءىستىڭ بارلىعىنان حاباردارمىز. وتباسىمىزدىڭ اتىنان العىسىمىز شەكسىز.
ايمان كەرىمبايقىزى,
شىمكەنت قالاسى اباي اۋدانى «قۇرساي» شاعىن اۋدانىنىڭ تۇرعىنى