قابىلدانباعان وتىنىمدەر قايتا قارالادى

– توتەنشە جاعداي كەزىندە تابىسى­نان ايىرىلعان مىندەتتى الەۋمەتتىك مەدي­تسينالىق ساقتاندىرۋ جۇيەسىنىڭ قاتىسۋ­شىلارىنا 42 500 تەڭگە كولەمىندە تولەم­دەر تاعايىنداۋ بۇگىندە ەڭ وزەكتى ماسەلە­نىڭ ءبىرى بولىپ وتىر. كوپتەگەن سۇراق الدىمىزدان شىعىپ جاتىر. ءساۋىردىڭ 24-ىنە دەيىنگى مالىمەتتەرگە ساي قارا­عاندى وبلىسى تۇرعىندارىنان 475 587 ءوتىنىش كەلىپ تۇسكەن. بۇل از ەمەس. ايتا كەتەتىن جايت, وتىنىشتەردىڭ ىشىندە 202 842 قۇجات ءتۇرلى سەبەپتەرگە بايلانىستى قابىلدانبادى. ال 244 541 تۇرعىنعا تولەم تاعايىندالدى, – دەدى ابزال نۇ­كەنوۆ.

جالپى, الەۋمەتتىك تولەمدەر التى سانات بويىنشا تاعايىندالىپ جاتىر. بىراق مەملەكەتتىك قىزمەتشىلەر بۇل تىزىمگە ەنبەگەن. وسى رەتتە وبلىس اكىمىنىڭ ورىنبا­سارى كومەكتىڭ تەك توتەنشە جاعداي رەجىمىنە بايلانىستى جۇمىسىنان ايى­رىلعان جانە تابىسىنان قاعىلعان ازا­ماتتارعا عانا كورسەتىلەتىنىن اتاپ ءوتتى.

بريفينگتە ابزال نۇكەنوۆ وتىنىشتەرى قابىلدانباعاندارعا, ياعني 42500 تەڭگە تولەمگە قول جەتكىزە الما­عان­دارعا مىناداي مالىمدەمە جاسادى.

– كەيبىرەۋلەر ءوزىنىڭ ءوتىنىمى نەگىزسىز قا­بىلدانبادى دەپ سانايدى. بىرەۋلەردىڭ ءوتى­نىشى ەكى جەردە جۇمىس ىستەگەنىنە باي­لانىس­تى قابىلدانعان جوق. بارلىق تۋىن­داعان ماسەلە بويىنشا تالداۋ جۇر­گىزىپ, زەرتتەپ جاتىرمىز. كۇن سايىن ەڭبەك جانە حالىقتى الەۋمەتتىك قورعاۋ مينيسترلىگىمەن حابارلاسىپ, كەڭەسىپ وتىرمىز. ەلىمىزدىڭ ۆيتسە-پرەمەرى ەرا­لى توعجانوۆ بارلىق قابىل­دانباعان وتى­نىم­دەر بويىنشا قايتا تەك­سەرۋ جۇرگىزۋ كەرەك­تىگىن تاپسىردى. ياعني نەگىزسىز تاعا­يىن­دالماعان تولەمدەر بو­يىنشا ءتيىستى شە­شىم قابىلداناتىن بولادى. بۇل باعىتتا جۇمىستار جۇرگىزىلۋدە, – دەدى ابزال نۇكەنوۆ.

بريفينگتىڭ سوڭىنا تامان وبلىس اكى­مىنىڭ ورىنباسارى قاتەلىكپەن تاعايىن­دالىپ كەتكەن الەۋمەتتىك تولەمدى ءوز ەرىك­تەرىمەن قايتارىپ بەرگەن ازامات­تارعا العىس سەزىمىن جەتكىزدى.

– بۇل – ازاماتتىق جاۋاپكەرشىلىك. ادام­­­دار­دىڭ وسى قاراجاتتىڭ باسقا بىرەۋ­­لەرگە ال­دەقايدا قاجەت ەكەنىن تۇسىن­گەن ازامات­تىق­تارىنا ءدان ريزا بولاسىڭ, – دەپ اتاپ ءوتتى ول.

الەۋمەتتىك تولەم ماسەلەلەرى بو­يىن­شا ءوڭىردىڭ جۇمىسپەن قامتۋدى ۇيلەس­تىرۋ جانە الەۋمەتتىك باعدارلامالار بو­لىمدەرىنە تەلەفون ارقىلى نەمەسە ەلەكتروندى پوش­تا ارقىلى حابارلاسۋعا بولدى.

قاراعاندى