جاھاندىق اۆياتسيا سالاسى كۇردەلى داعدارىسقا ۇشىراۋدا. الەمدىك اۋە پاركىنىڭ ۇشتەن ءبىر بولىگىن قۇرايتىن 8 500 جولاۋشى ۇشاعى تۇراققا قويىلدى. بۇل تۋرالى بۇگىنگى ونلاين – بيرفينگ بارىسىندا «سامۇرىق-قازىنا» اق كولىك جانە لوگيستيكا جونىندەگى باسقارۋشى ديرەكتورى قانات الپىسباەۆ ايتتى.
̶كوپتەگەن سالا ساراپشىلارى پاندەميا اياقتالعاننان كەيىن دە اۋە كومپانيالارى بۇرىنعى قالپىنا ورالۋ ءۇشىن بىرنەشە جىلدار قاجەت بولادى دەپ پايىمداۋدا. مىسالى, جاھاندىق داعدارىسقا دەيىن امەريكالىق اۋە جولدارى ارقىلى كۇنىنە رەكوردتىق 2,5 ملن جولاۋشى تاسىمالدانعان. قازىر ۇشاقتار تەك 10-20%-عا عانا تولتىرىلۋدا, ال جاڭا برونداۋلاردا وتكىزۋ قابىلەتى كۇرت قىسقارعاننان كەيىن دە ترافيكتىڭ 80-90%-عا تومەندەۋى بايقالادى. 2020 جىلدىڭ اقپان ايىندا جاھاندىق جولاۋشىلار اينالىمى وتكەن جىلمەن سالىستىرعاندا 14,1%-عا تومەندەدى, دەيدى ق.الپىسباەۆ.
IATA باعالاۋى بويىنشا جولاۋشىلار اينالىمى 2020 جىلدىڭ 4-توقسانىندا بىرتىندەپ قالپىنا كەلتىرە باستايدى. ال 2021 جىلدىڭ ءبىرىنشى جارتىسىندا جاعداي ءبىرشاما تۇراقتالاتىن كورىنەدى.
̶ ءبىزدىڭ كومپانيالاردا دا جاعداي وسى دەڭگەيدە. اعىمداعى جىلدىڭ 22 ناۋرىزىنان باستاپ «Qazaq Air» اق جانە «ەير استانا» اق بارلىق اۆيارەيستەردىڭ ورىندالۋىن توقتاتتى, «ەير استانا» اق حالىقارالىق باعىتتار بويىنشا تەك قانا رەپاترياتسيالىق رەيستەردى اعىمداعى جىلدىڭ 29 ناۋرىزىنا دەيىن ورىندادى, دەدى «سامۇرىق-قازىنا» اق كولىك جانە لوگيستيكا جونىندەگى باسقارۋشى ديرەكتورى.