ولەگ ماسكاەۆ رينگكە ورالادى

ءبىز بۇل ازامات جايىندا بەكەر اڭگىمەلەپ وتىرعان جوقپىز. ولەگ – قازاقستاننىڭ تۋماسى. ناقتىلاپ ايتساق, قاراعاندى وبلىسىنداعى اباي قالاسىندا دۇنيەگە كەلدى. اسا اۋىر سالماق دارەجەسى بويىنشا ەلىمىزدە باسەكەلەستىك اسا كۇشتى بولعاندىقتان توقسانىنشى جىلداردىڭ باسىندا ول وزبەكستاننىڭ تۋى استىندا ونەر كورسەتۋگە بەل بۋىپ, 1994 جىلى ازيا ويىندارىنىڭ جەڭىمپازى اتاندى. باسقا دا حالىقارالىق دودالاردا توپ جاردى. كەيىننەن ماسكاەۆ رەسەيگە قونىس اۋداردى. ال بۇل كۇندەرى ول اقش-تىڭ كاليفورنيا شتاتىندا تۇرىپ جاتىر.

ولەگ ماسكاەۆ 1993-2013 جىلدار ارالىعىندا كاسىپقوي رينگتە جۇدىرىقتاستى. سول ارالىقتا 46 كەزدەسۋ وتكىزگەن ايتۋلى بوكسشى 39 رەت جەڭىسكە جەتتى. 28 قارسىلاسىن نوكاۋتقا جىبەردى. سوڭعى رەت 2013 جىلدىڭ 4 قاراشاسىندا بريتانيالىق دەنني ۋيليامستى ۇپاي سانىمەن ۇتتتى. سودان كەيىن ولەگ شارشى الاڭنان كورىنبەي كەتتى. 

–قازىر-اق رينگكە ورالاۋعا دايىنمىن. بۇرىنعى بابىما كەلۋ ءۇشىن ەكى اي عانا جاتتىقسام جەتكىلىكتى. الايدا جاسىما قاراپ, مەنىڭ بۇل ۇسىنىسىم ەشىمدى قىزىقتىرماي وتىر. بىراق مەن رينگكە ورالىپ, ءالى دە ءوزىمنىڭ مىقتىلىعىمدى مويىنداتامىن, – دەيدى اتاقتى بوكسشى.