الماتىدا ىندەت تاراتاتىن كەمىرگىشتەردى جويۋ ناۋقانى جۇرەدى

جاپپاي دەراتيزاتسيا جوعارعى اۋدانداردان باستالادى (وڭتۇستىكتەن سولتۇستىككە قاراي) جانە 47 مىڭ گەكتاردان استام اۋماقتى قامتيدى. بۇل ساياباقتار, سكۆەرلەر, وزەن جاعالاۋلارى, سۋ قويمالارى, ارىق ناۋالارى, كونتەينەرلىك الاڭدار, سونداي-اق ورامىشىلىك كەڭىستىكتەر. سونداي-اق 141 مىڭعا جۋىق جەكە تۇرعىن ءۇي قۇرىلىسى. قازىرگى ۋاقىتتا قالادا قاقپاندار ورناتۋ بويىنشا دايىندىق جۇمىستارى جۇرگىزىلۋدە.

سونىمەن قاتار دەراتيزاتسيالىق وڭدەۋگە مامانداندىرىلعان دارىگەرلەر مەن ارنايى تەحنيكا جۇمىلدىرىلادى. اۋلا اۋماقتارىندا دەراتيزاتسيا جۇرگىزۋ كەزىندە جەكە سەكتوردىڭ تۇرعىندارى ارنايى ۋلى حيميكاتتاردى تەگىن الاتىن بولادى. كەمىرگىشتەردى جويۋ جونىندەگى كامپانياعا كاسىپكەرلىك نىساندار دا قاتىسادى.

بۇدان باسقا, توتەنشە جاعداي مەن كارانتيندى ەسكەرە وتىرىپ, الدىن الا وڭدەۋمەن شامامەن 3,5 مىڭ ساۋدا وبەكتىلەرى مەن ونەركاسىپ كاسىپورىندارى, 500-دەن استام ءبىلىم بەرۋ وبەكتىلەرى مەن دەنساۋلىق ساقتاۋ مەكەمەلەرى, ونىڭ ىشىندە اۋرۋحانالار, ەمحانالار, مەكتەپتەر مەن بالاباقشالار, مەترو, ۆوكزالدار مەن ستاديوندار قامتىلاتىن بولادى.

ەستەرىڭىزگە سالا كەتەيىك, دەراتيزاتسيا ەگەۋقۇيرىقتار مەن تىشقانداردىڭ سانىن رەتتەۋگە, سونداي-اق اسا قاۋىپتى جۇقپالى جانە ينۆازيالىق اۋرۋلاردىڭ تارالۋىنىڭ الدىن الۋعا باعىتتالعان. جىل سايىن ءىس-شارالار 2 تۋردا وتكىزىلەدى. بيىل كوكتەمگى ءىس-شارالار مامىر ايىنىڭ سوڭىنا دەيىن جالعاسادى. جۇمىستىڭ كەلەسى كەزەڭى - كۇزدە.

اۋدانداردا دەراتيزاتسيالىق جۇمىستاردى جۇرگىزۋ كەستەسى:

ناۋرىزباي اۋدانى 24.04.2020 باستاپ 28.04.20 دەيىن

بوستاندىق اۋدانى 29.04.2020 باستاپ 03.05.2020 دەيىن

مەدەۋ اۋدانى 04.05.2020 باستاپ 10.05.2020 دەيىن

الاتاۋ اۋدانى 11.05.2020 باستاپ 18.05.2020 دەيىن

اۋەزوۆ اۋدانى 19.05.2020 باستاپ 20.05.2020 دەيىن

المالى اۋدانى 21.05.2020 باستاپ 22.05.2020 دەيىن

جەتىسۋ اۋدانى 23.05.2020 باستاپ 26.05.2020 دەيىن

تۇركسىب اۋدانى 27.05.2020 باستاپ 31.05.2020 دەيىن