جالپى, جامبىل وبلىسىندا كوروناۆيرۋس ينفەكتسياسىنىڭ الدىن الۋ ماقساتىندا زالالسىزداندىرۋ جۇمىستارىنا جاۋاپتى رەتىندە «حالىقتىڭ دەنساۋلىق ورتالىعى» جاۋاپكەرشىلىگى شەكتەۋلى سەرىكتەستىگى, سونىمەن قاتار, «راديولوگيالىق باقىلاۋ ورتالىعى» جاۋاپكەرشىلىگى شەكتەۋلى سەرىكتەستىگى, «ۇلتتىق ساراپتاما ورتالىعى» رەسپۋبليكالىق مەملەكەتتىك كاسىپورنى جانە «تاراز-دەزينفەكتسيا» جاۋاپكەرشىلىگى شەكتەۋلى سەرىكتەستىگى مەكەمەلەرى قاراستىرىلعان.
وسى ورايدا, قاۋىپتى ىندەتتىڭ الدىن الۋ ماقساتىندا بۇگىن اتالعان مەكەمەلەر تاراز قالاسىنداعى ورتالىق «نۇرسۇلتان نازارباەۆ» الاڭىنا جينالىپ, وزدەرىنە بەكىتىلگەن باعىتتار بويىنشا قالاداعى 11 اۋماقتىق وكرۋگتەردە زالالسىزداندىرۋ جۇمىستارىن جۇرگىزدى. نەگىزىنەن زالالسىزداندىرۋ جۇمىستارىنا قالاداعى كوشەنىڭ بويىنداعى نىساندار, كوپقاباتتى تۇرعىن ۇيلەر, اۋلالار, ساياباقتار, ايالدامالار مەن جاياۋ جۇرگىنشىلەر جولى قامتىلعان.
تاراز قالالىق اكىمدىگىنىڭ ۇيىمداستىرۋىمەن باستاۋ العان بۇگىنگى زالالسىزداندىرۋ جۇمىستارىنا 40-تان استام قىزمەتكەرلەر, 200-گە جۋىق اسكەري ازاماتتار جانە 20-عا جۋىق تەحنيكا جۇمىلدىرىلعان. سونداي-اق, اتالعان جۇمىستارعا 22 توننا دەزينفەكتسيا سۇيىقتىعى جۇمسالدى.
جامبىل وبلىسى