بۇگىن جامبىل وبلىسىندا كوروناۆيرۋس ينفەكتسياسىن جۇقتىرۋدىڭ تاعى دا 9 جاڭا جاعدايى تىركەلدى. ناۋقاستار 1975, 1963, 1977, 1958, 2015, 1957, 1991, 1992, 1971 جىلدارى تۋعان تاراز قالاسىنىڭ تۇرعىندارى بولىپ شىقتى. ولاردىڭ ىشىندە ءۇش ەر ادام, بەس ايەل جانە ءبىر بالا بار.
جامبىل وبلىسى اكىمدىگىنىڭ مالىمەتىنشە, بارلىق ناۋقاستار وسى ۋاقىتقا دەيىن اۋىرعاندارمەن ءۇي وشاعى بويىنشا بايلانىستا بولعان. 23 ءساۋىر كۇنگى جاعداي بويىنشا جامبىل وبلىسى اۋماعىندا كوروناۆيرۋستىق ينفەكتسيانىڭ 88 جاعدايى تىركەلگەن. ونىڭ ىشىندە تاراز قالاسىندا 35 جاعداي, بايزاق اۋدانىندا 4, جامبىل اۋدانىندا 4, قورداي اۋدانىندا 33, مەركى اۋدانىندا 2, مويىنقۇم جانە شۋ اۋدانىندا ءبىر-ءبىر ادامنان انىقتالعان. سونداي-اق, «دەلي – تاراز» رەيسىنەن 6 وقيعا, اتىراۋ وبلىسىنداعى تەڭىزدەگى ۆاحتالىق كەنتىنەن كەلگەن قىزمەتكەرلەر اراسىندا 2 وقيعا انىقتالعان. ناۋقاستاردىڭ ىشىنەن 31 ادام ساۋىعىپ, دارىگەرلەردىڭ باقىلاۋىمەن ءۇي كارانتينىنە شىعارىلعان.