قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى مەديتسينا قىزمەتكەرلەرىنىڭ ەڭبەكاقى تولەۋ قورىنان الەۋمەتتىك تولەمدەر مەن سالىق تولەۋدەن بوساتۋ تۇرىندە مەديتسينا قىزمەتكەرلەرىن قولداۋدىڭ شارالارى قابىلدانعانىن حابارلايدى.
مۇنداي شارالار قازاقستان رەسپۋبليكاسى ۇكىمەتىنىڭ «ەكونوميكانى تۇراقتاندىرۋ جونىندەگى ودان ارعى شارالار تۋرالى» 2020 جىلعى 20 ساۋىردەگى № 224 قاۋلىسىمەن كوزدەلگەن. جەكە اۋرۋحانا ۇيىمدارىنىڭ, شيپاجاي -كۋرورتتىق ۇيىمداردىڭ قىزمەتىن جۇزەگە اسىراتىن جەكە دارىگەرلىك پراكتيكا مەن ستوماتولوگيا سالاسىنداعى شاعىن, كىشى نەمەسە ورتا كاسىپكەرلىك سۋبەكتىلەرى ءۇشىن مولشەرلەمەلەرگە «0» تۇزەتۋ كوەففيتسيەنتى بەلگىلەندى.
ياعني, تولەم كوزىنەن ۇستالاتىن جەكە تابىس سالىعىنان, الەۋمەتتىك سالىقتان, مىندەتتى زەينەتاقى جارنالارىنان, مىندەتتى كاسىپتىك زەينەتاقى جارنالارىنان, الەۋمەتتىك اۋدارىمداردان, مىندەتتى الەۋمەتتىك مەديتسينالىق ساقتاندىرۋعا جارنالار مەن اۋدارىمداردان سالىقتان بوساتىلادى.
سالىقتىق بوساتۋلار تولەم كەزەڭى 2020 جىلعى 1 ساۋىردەن باستاپ 1 قازانعا دەيىن بولاتىن مىندەتتەمەلەر بويىنشا قولدانىلادى.
ۇيىمنىڭ مەنشىك نىسانىنا قاراماستان, بارلىق مەديتسينالىق قىزمەتكەرلەر ءۇشىن سونداي-اق, جوعارىدا كورسەتىلگەن سالىقتاردان (جتس, الەۋمەتتىك سالىق) جانە الەۋمەتتىك تولەمدەردەن, دەنساۋلىق ساقتاۋ ءمينيسترىنىڭ 2020 جىلعى 4 ساۋىردەگى № 28/2020 (قر ۇق 4ت.) بۇيرىعىنا سايكەس 2020 جىلعى 1 ناۋرىزدان باستاپ تولەنەتىن ەپيدەمياعا قارسى ءىس-شارالارعا قاتىساتىن قىزمەتكەرلەرگە ۇستەمەاقىدان (مزج, مكزج, ءاا, ءمامس-عا اۋدارىمدار) بوساتۋ شارالارى كوزدەلگەن.
ەلدەگى توتەنشە جاعدايعا بايلانىستى ء«Bىrgemiz» قوعامدىق قورى تاراپىنان حالىقتىڭ از قورعالعان الەۋمەتتىك كومەككە اسا مۇقتاج توبىنا كومەك كورسەتىلۋدە. ء«Bىrgemiz» قوعامدىق قورىنان جەكە تۇلعالاردىڭ جەكەلەگەن ساناتىنا الەۋمەتتىك كومەك رەتىندە كورسەتكەن 647 اەك شەگىندەگى قايىرىمدىلىق كومەگى تولەم كوزىنەن جەكە تابىس سالىعىنان ۇستالمايدى