جاقسىلىق جاساۋدان جارىسىپ جاتقانداي

مەكتەپ اكىمشىلىگى, ۇستازدارىمىز ءبارىن تاپتىشتەپ ءتۇسىندىرىپ, بايلانىس جۇيەلەرىن الدىن الا تەكسەرىپ, دايىندىق جاسادى. دەگەنمەن التى بالانىڭ كەرەك-جاراعىن تۇگەندەۋ وڭاي بولمادى. نەسيەگە تەلەديدار, سمارتفون الدىق. مەكتەپ اكىمشىلىگى وقۋ جىلىنىڭ سوڭىنا دەيىن پايدالانۋعا نوۋتبۋك بەردى. وسىلايشا ساباققا كىرىسىپ كەتتىك. مىنە, ەكى اپتا ءوتتى, بالالار قاشىقتان وقۋعا ابدەن توسەلىپ الدى. ونلاين وقۋدىڭ ۇتىمدى جاعى دا كوپ ەكەن. بۇرىن مۇعالىم ساباق سۇراۋدا بارلىق وقۋشىنى قامتىپ ۇلگەرمەسە, قازىر ءار شاكىرتتىڭ ساباققا قاتىسۋى, ۇلگەرىمى, جاۋاپتارى كوز الدىڭدا تۇرادى. شىنىن ايتساق, بالالاردىڭ ساباق ۇلگەرىمى جاقسارا باستاعانداي.

ەلىمىزدە توتەنشە جاعداي كەزىندە تابىسىنان ايىرىلعاندارعا بەرىلەتىن 42 500 تەڭگە الەۋمەتتىك تولەم تاعايىندالا باستاعاندا, الدىڭعىلاردىڭ ءبىرى بولىپ ءبىز دە ۇلەسىمىزدى الدىق. بۇل مەملەكەتتىڭ ءوز ازاماتتارىنا جاساعان ۇلكەن كومەگى دەر ەدىم.

ەندى مۇلدەم كۇتپەگەن ءبىزدى اياق استىنان قۋانىشقا بولەگەن وقيعا تۋرالى ايتايىن. ءساۋىردىڭ 17-ءسى كۇنى تەلەفونعا sms-حابارلاما ءتۇستى: «پرەزيدەنت جارلىعىنا سايكەس مەملەكەت اتىنان ءسىزدىڭ نەسيەڭىزدى وتەۋ ءۇشىن 41352 تەڭگە ءتۇستى» دەگەن جازبانى كورگەندە ءوز كوزىمە ءوزىم سەنبەدىم. ويتكەنى ەش جەرگە ءوتىنىش جازىپ, مۇنداي كومەك سۇراماعان ەدىك. جالما-جان سمارتفونداعى نەسيە تولەۋ كەستەسىنە قاراسام, الداعى ءۇش ايدىڭ نەسيەسى تولەنىپ تۇر ەكەن!

وسىنىڭ ءبارى – قيىن كۇندەردە جانىڭنان تابىلاتىن, قولتىقتان دەمەيتىن مەملەكەتىڭنىڭ بولعانى جۇرەككە وتە جىلى تيەدى ەكەن. قازىر ماعان بۇكىل قازاقستان جاقسىلىق جاساۋدان جارىسىپ جاتقانداي كورىنەدى. ەرىكتىلەر دە وسى ءىستىڭ الدىڭعى ساپىندا ءجۇر. «دادەم اتا» جەكە قورىنىڭ ديرەكتورى عاريفوللا جامبوزوۆ دەگەن ازامات ۇن, كۇرىش, ماكارون ونىمدەرى, وسىمدىك مايى سەكىلدى كۇندەلىكتى وتە قاجەت ازىق-ت ۇلىك جيىنتىعىن جەتكىزدى. ەرىكتى ايبولات قۇرىمباەۆ ءبىر دوربا كارتوپ اكەلدى. ولاردىڭ بارىنە العىسىم شەكسىز! ء«بىز بىرگەمىز!» دەگەن ۇران جالاڭ ءسوز ەمەس, شىنايى ءىس-قيمىل ەكەن. ءبىز مۇنى ءوز شاڭىراعىمىزدا سەزىنىپ وتىرمىز.

اقمارال راحمەتوللاقىزى,

كوپ بالالى انا

ورال