ۆيدەوكونفەرەنتسيا فورماتىندا ۇيىمداستىرىلعان جيىنعا ۋەفا پرەزيدەنتى الەكساندەر چەفەرين مەن ەۋروپا فۋتبول قاۋىمداستىقتارىنىڭ وداعىنىڭ باس حاتشىسى تەودور تەودوريديس قاتىستى.
ۋەفا قۇرامىنا مۇشە ەلدەردىڭ باسقوسۋىنا قازاقستان فۋتبول فەدەراتسياسىنىڭ باس حاتشىسى ازامات ايتقوجين قاتىستى.
فورۋمعا قاتىسۋشىلار COVID-19 ىندەتى اياقتالعاننان كەيىن ەۋروپالىق فۋتبول تۋرنيرلەرىن وتكىزۋدىڭ وڭتايلى شەشىمدەرىن ىزدەگەن ەكى جۇمىس توبىنىڭ ناتيجەلەرىمەن تانىستى.
ەڭ الدىمەن كاسىبي كلۋبتار مەن ۇلتتىق قۇرامالار اراسىندا وتەتىن رەسمي جارىستاردىڭ كۇنتىزبەسىنىڭ ءارتۇرلى نۇسقالارى قارالدى.
سونىمەن قاتار, ۇلتتىق فۋتبول قاۋىمداستىقتارىن دامىتۋ جوبالارىن ماقساتىندا قولعا الىنعان HatTrick باعدارلاماسىن ءارى قاراي جۇزەگە اسىرۋ جولدارى تالقىلاندى. ۋەفا مۇددەلى تاراپتاردى وسى باعىتتا قابىلدانعان مىندەتتەمەلەردى ۋاقىتىلى ورىنداۋى قاجەت ەكەنىن جەتكىزدى.
جيىن سوڭىندا ماۋسىمداعى ۇلتتىق جوعارى ديۆيزيوندار مەن ۇلتتىق كۋبوك ويىندارىن اياقتاۋعا كەڭەس بەرىلدى.
جوعارىدا اتالعان ىشكى چەمپيوناتتاردىڭ ويىندارى وتپەگەن جاعدايدا, ۇلتتىق قاۋىمداستىقتارعا كومەك كورسەتۋ ماقساتىندا ەۋروكۋبوك جولدامالارىن ءبولۋ ماسەلەسى دە رەتتەلەدى.
جينالىستا قارالعان تاقىرىپتار بويىنشا رەسمي شەشىمدەر كەلەسى بەيسەنبىدە وتەتىن ۋەفا اتقارۋشى كوميتەتىنىڭ وتىرىسىنان كەيىن جاريا ەتىلەدى.