قورعانىس مينيسترلىگىندە كەزەكتى اپپاراتتىق كەڭەس ءوتتى. كۇن تارتىبىنە ەلىمىزدىڭ قارۋلى كۇشتەرىنىڭ تىنىس-تىرشىلىگىندەگى سوڭعى وقيعالار مەن اسكەردىڭ توتەنشە جاعداي رەجيمى مەن الداعى مىندەتتەردى قامتاماسىز ەتۋى بويىنشا كەڭ اۋقىمدى ماسەلەلەر ەندى. بۇل تۋرالى مينيسترلىكتىڭ ءباسپاسوز قىزمەتى حابارلادى.
توتەنشە جاعداي رەجيمى جاعدايىندا قورعانىس ءمينيسترى نۇرلان ەرمەكباەۆ كوروناۆيرۋسقا قارسى كۇرەستىڭ بەرىلگەن قارقىنىن باسەڭدەتپەۋدى, ەل ازاماتتارىنىڭ قالىپتى ومىرگە تەز قايتۋى ءۇشىن جۇمىستى بەلسەندى ءارى ۇيلەسىمدى جالعاستىرۋدى تاپسىردى.
بارلىق گارنيزون باستىقتارىنا قازاقستان رەسپۋبليكاسىنىڭ پرەزيدەنتى – قارۋلى كۇشتەردىڭ جوعارعى باس قولباسشىسى قاسىم-جومارت توقاەۆتىڭ تاپسىرماسىن ورىنداۋ ءۇشىن دەزينفەكتسياعا ەرەكشە كوڭىل ءبولۋ تۋرالى نۇسقاۋ بەرىلدى. بيوقورعاۋ بولىمشەلەرىن قامتاماسىز ەتۋ ءۇشىن دەزينفەكتسيالاۋ قۇرالدارىنىڭ قورلارىن الدىن الا تولىقتىرۋ ءبىرىنشى كەزەكتە تۇر. 19 ناۋرىزدان باستاپ اسكەري قىزمەتشىلەر جالپى اۋدانى 66 ملن شارشى مەتردەن اساتىن الەۋمەتتىك ماڭىزدى نىسانداردى, ۇزىندىعى 2 مىڭ شاقىرىمنان اساتىن جول ۋچاسكەلەرىن وڭدەدى.
اسكەري بولىمشەلەردىڭ دەنساۋلىعىن قورعاۋعا قاتىستى اسكەري بولىمدەردىڭ سانيتارلىق-تازالىق جاعدايىن جانە جەكە قۇرامنىڭ تالاپتاردى ساقتاۋىن باقىلاۋدى كۇشەيتۋ تاپسىرىلدى. ۆيرۋستى جۇقتىرۋعا قارسى ءىس-قيمىلدىڭ ساپالى ۇيىمداستىرىلۋىن قۇرلىق اسكەرلەرى مەن الماتى گارنيزونى توتەنشە جاعداي جانە كارانتين رەجيمىن قامتاماسىز ەتۋ جونىندەگى ءىس-شارالارعا تارتىلعاندا كورسەتتى. سونداي-اق, سانيتارلىق نورمالاردان بولەك, وندا اسكەري قىزمەتشىلەردىڭ بايلانىستارى دا اجىراتىلعان. وسىعان سəيكەس قۇرلىق اسكەرلەر باس قولباسشىسىنىڭ جۇمىسى وڭ باعالاندى.
سونىمەن قاتار, كەڭەستىڭ كۇن تارتىبىندە اۋماقتىق قورعانىس اسكەرلەرىنە قاتىستى ءىس-شارالار دا نازاردان تىس قالمادى. اتالعان بولىمشەلەر قارۋلى كۇشتەردىڭ قۇرامىنا كىرەدى. Əسكەري مىندەتتىلەرگە جيىندار كەزەڭىندە اسكەري قىزمەتشىلەردىڭ مارتەبەسى بەكىتىلگەن, ياعني اسكەري ءتارتىپتى, سانيتارلىق-پروفيلاكتيكالىق جانە ەپيدەمياعا قارسى شارالاردى ساقتاۋ تالاپ ەتىلەدى.
ورىن العان وقيعالارعا سايكەس اسكەري مەديتسينانى دامىتۋ قاجەتتىلىگىنە ەرەكشە نازار اۋدارىلدى. مەديتسينا قىزمەتىنىڭ دامۋ تۇجىرىمداماسىنا تۇزەتۋلەر ەنگىزۋ قاجەت. الەمدەگى دəل وسى ۋاقىتتاعى جاعداي ناۋقاستاردى, دالالىق جۇقپالى گوسپيتالداردى ەۆاكۋاتسيالاۋ ءۇشىن اۆياتەحنيكامەن ياعني, تىكۇشاقتارمەن جابدىقتالعان ارنايى ماقساتتاعى مەديتسينالىق جاساقتاردى قۇرۋ قاجەتتىلىگىن كورسەتتى. ەرەكشە اسكەري-مەديتسينالىق ماماندار, ونىڭ ىشىندە تراۆماتولوگتاردىڭ, جاق-بەت حيرۋرگتارىنىڭ جانە ت.ب. بولۋى ەرەكشە نازار اۋدارۋدى تالاپ ەتەدى.
قازىرگى ۋاقىتتا قارۋلى كۇشتەردە COVID-19-عا تەستىلەۋگە قابىلەتتى ۆيرۋسولوگيالىق زەرتحانانى قۇرۋ جونىندەگى جۇمىستى جانداندىرۋ ماڭىزدى بولىپ وتىر.
بۇدان بولەك, اسكەري باسشىلىق قاراعاندىنىڭ ماڭىندا ميگ-31 اسكەري ۇشاعىمەن بولعان اپاتتى مۇقيات جانە قىسقا مەرزىمدە تەكسەرۋدى تاپسىردى.
قورعانىس ۆەدومستۆوسىنىڭ باسشىسى ۇشقىشتاردىڭ دەنساۋلىق جاعدايىن باقىلاۋعا الىپ, ولاردىڭ وتباسىلارىنا قاجەتتى كومەك كورسەتۋگە نۇسقاۋ بەردى.
بارلىق بەلگىلەنگەن شارالاردى ورىنداۋعا مينيستر شۇعىل كىرىسۋدى تاپسىردى.