نولدىك كوەففيتسيەنتى بار سالىقتار مەن الەۋمەتتىك تولەمدەر بەلگىلەندى

قازاقستان رەسپۋبليكاسى ۇكىمەتىنىڭ 2020 جىلعى 20 ساۋىردەگى №224 قاۋلىسى

«ەكونوميكانى تۇراقتاندىرۋ جونىندەگى ودان ارعى شارالار تۋرالى» قازاقستان رەسپۋبليكاسى پرەزيدەنتiنiڭ 2020 جىلعى 16 ناۋرىزداعى № 287 جارلىعىن سالىق سالۋ ماسەلەلەرى بويىنشا iسكە اسىرۋ جونiندەگi ودان ارعى شارالار تۋرالى

«ەكونوميكانى تۇراقتاندىرۋ جونىندەگى ودان ارعى شارالار تۋرالى» قازاقستان رەسپۋبليكاسى پرەزيدەنتiنiڭ 2020 جىلعى 16 ناۋرىزداعى № 287 جارلىعىنا سايكەس قازاقستان رەسپۋبليكاسىنىڭ ۇكiمەتi قاۋلى ەتەدI:

مىناداي سالىقتار مەن الەۋمەتتىك تولەمدەردىڭ: تولەم كوزىنەن ۇستالاتىن جەكە تابىس سالىعىنىڭ; جەكە پراكتيكامەن اينالىساتىن تۇلعا دەربەس تولەيتىن جەكە تابىس سالىعىنىڭ; دارا كاسىپكەردىڭ ءوزى ءۇشىن تولەيتىندەرىن قوسپاعاندا, الەۋمەتتىك سالىقتىڭ, مىندەتتى زەينەتاقى جارنالارىنىڭ, مىندەتتى كاسىپتىك زەينەتاقى جارنالارىنىڭ, الەۋمەتتىك اۋدارىمداردىڭ, مىندەتتى الەۋمەتتىك مەديتسينالىق ساقتاندىرۋعا جارنالار مەن اۋدارىمداردىڭ مولشەرلەمەلەرىنە «0» كوەففيتسيەنتى بەلگىلەنسىن.

وسى تارماقتىڭ ەرەجەلەرى مىناداي سالىق تولەۋشىلەر مەن ولاردىڭ جۇمىسكەرلەرىنە قاتىستى قولدانىلادى:

مىندەتتەمەلەرى بويىنشا تولەۋ (اۋدارۋ) مەرزىمى 2020 جىلعى 1 ساۋىردەن باستاپ 1 قازانعا دەيىنگى كەزەڭدە باستالاتىن جەكە پراكتيكامەن اينالىساتىن تۇلعالار جانە وسى قاۋلىعا 1-قوسىمشاعا سايكەس قىزمەت تۇرلەرىنىڭ تىزبەسى بويىنشا قىزمەتىن جۇزەگە اسىراتىن ميكرو, شاعىن نەمەسە ورتا كاسىپكەرلىك سۋبەكتىلەرى; مىندەتتەمەلەرى بويىنشا تولەۋ (اۋدارۋ) مەرزىمى 2020 جىلعى 1 ساۋىردەن باستاپ 1 شىلدەگە دەيىنگى كەزەڭدە باستالاتىن, وسى قاۋلىعا 2-قوسىمشاعا سايكەس قىزمەت تۇرلەرىنىڭ تىزبەسى بويىنشا قىزمەتىن جۇزەگە اسىراتىن ءىرى كاسىپكەرلىك سۋبەكتىلەرى. 2020 جىلعى 1 ساۋىردەن باستاپ 2020 جىلعى 1 قازانعا دەيىنگى كەزەڭدە: اۋە ايلاقتارىنداعى ۇشۋ-قونۋ جولاقتارى مەن اۋەجايلاردىڭ تەرمينالدارى بويىنشا; جەكە پراكتيكامەن اينالىساتىن تۇلعالاردىڭ م ۇلىك سالىعىنىڭ مولشەرلەمەلەرىنە «0» كوەففيتسيەنتى بەلگىلەنسىن. اۋە جولاۋشىلار كولىگى قىزمەتىمەن اينالىساتىن قازاقستان رەسپۋبليكاسىنىڭ رەزيدەنتتەرى-سالىق تولەۋشىلەرگە تەحنيكالىق قىزمەت كورسەتۋ جانە اۋە كەمەلەرى ليزينگىنىڭ مامىلەلەرىن زاڭدىق سۇيەمەلدەۋ بويىنشا رەزيدەنت ەمەس ءۇشىن ەسەپتەلگەن قوسىلعان قۇن سالىعىن تولەۋ بويىنشا 2021 جىلعى 1 قاڭتارعا دەيىن كەيىنگە قالدىرۋ بەرىلسىن.

بۇل رەتتە ەسەپتەلگەن قوسىلعان قۇن سالىعىنىڭ سوماسى 2021 جىلعى1 قاڭتارعا دەيىن بيۋدجەتكە تولەنگەن جاعدايدا اتالعان سالىق تولەۋشىلەر رەزيدەنت ەمەس ءۇشىن ەسەپتەلگەن قوسىلعان قۇن سالىعىنىڭ سوماسىن رەزيدەنت ەمەستەن وسىنداي جۇمىستاردى, كورسەتىلەتىن قىزمەتتەردى ساتىپ الۋ سالىق سالىناتىن اينالىم دەپ تانىلعان سالىق كەزەڭىندە ەسەپكە جاتقىزادى.

«COVID-19 كوروناۆيرۋسىمەن كۇرەس شەڭبەرىندە ەپيدەمياعا قارسى ءىس-شارالارعا قاتىساتىن دەنساۋلىق ساقتاۋ ۇيىمدارىنىڭ قىزمەتكەرلەرىن قارجىلىق قولداۋدىڭ كەيبىر ماسەلەلەرى تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020 جىلعى 4 ساۋىردەگى № 28/2020 بۇيرىعىنا سايكەس 2020 جىلعى 1 ناۋرىزدان باستاپ تولەنەتىن ەپيدەمياعا قارسىىس-شارالارعا تارتىلعان قىزمەتكەرلەردىڭ ۇستەمەاقىلارى تولەم كوزىنەن ۇستالاتىن جەكە تابىس سالىعىنىڭ, الەۋمەتتىك سالىقتىڭ, مىندەتتى زەينەتاقى جارنالارىنىڭ, مىندەتتى كاسىپتىك زەينەتاقى جارنالارىنىڭ, الەۋمەتتىك اۋدارىمداردىڭ, جارنالاردىڭ جانە مىندەتتى الەۋمەتتىك مەديتسينالىق ساقتاندىرۋعا اۋدارىمداردىڭ وبەكتىلەرى بولىپ تابىلمايدى دەپ بەلگىلەنسىن. 2019 جىلعى مىندەتتەمەلەر بويىنشا سالىق ەسەپتىلىگى نىساندارىن تاپسىرۋ مەرزىمى 2020 جىلعى 31 ناۋرىزدان 2020 جىلعى 31 مامىرعا اۋىستىرىلسىن. وسى قاۋلى 2020 جىلعى 1 ناۋرىزدان باستاپ قولدانىسقا ەنگىزىلەتىن 4 جانە 5-تارماقتاردى قوسپاعاندا, 2020 جىلعى 1 ساۋىردەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.

 

1-قوسىمشا

2-قوسىمشا

 

قازاقستان رەسپۋبليكاسىنىڭ

                 پرەمەر-مينيسترi                                        ا. مامين