بۇل شەشىمگە ەكى ەلدىڭ دە ۇلتتىق ۆاليۋتالارىنىڭ السىرەۋى سەبەپ بولعان. وزبەكستاننىڭ ورتالىق بانكى قارىز الۋشىلاردىڭ ۆاليۋتالىق قايتا باعالاۋدان بولعان شىعىندارىن جابۋدى جانە تومەندەتىلگەن باعاممەن شەتەل ۆاليۋتاسىنداعى نەسيەلەردى سۋمماعا اۋدارۋدى جوسپارلامايدى. بۇل تۋرالى ورتالىق بانكتىڭ ءباسپاسوز قىزمەتى حابارلادى.
ورتالىق بانكتە ايتىلعانداي, شەتەلدىك ۆاليۋتامەن نەسيە الۋدى حالىقارالىق ۆاليۋتا قورى مەن دۇنيەجۇزىلىك بانك تە قولدامايدى. ۆاليۋتالىق نەسيەگە ۆاليۋتالىق تاۋەكەل, پايىزدىق تاۋەكەل جاتادى. «قارىز الۋشىلار بارلىق تاۋەكەلدەردى شەتەل ۆاليۋتاسىن نەمەسە نەسيەنىڭ باسقا ءتۇرىن الۋ تۋرالى شەشىم قابىلداعان كەزدە ەسكەرۋى كەرەك», دەدى وزبەكستاننىڭ ورتالىق بانك تاراتقان مالىمدەمەدە.
ەسكە سالايىق, وزبەكستانداعى كوممەرتسيالىق بانكتەر نەسيەلەردى قايتارۋ مەرزىمىن ۇزارتتى جانە كەشىكتىرىلگەن سىياقى تولەمەيدى.
ءبىر جىل ىشىندە وزبەكستانداعى دوللار 8,5 مىڭنان 10,1 مىڭعا دەيىن كوتەرىلدى.
بۇل جاعداي رەسەيگە دە ءتان قۇبىلىس بولىپ وتىر. رەسەيدىڭ ورتالىق بانك قارىز الۋشىلاردىڭ شەتەل ۆاليۋتاسىمەن العان نەسيەلەرىن ايىرباستاۋ-قايتا باعالاۋدان بولعان شىعىندارىن جابۋدى, جەڭىلدەتىلگەن ايىرباستاۋ باعامىن ەنگىزۋدى جانە شەتەل ۆاليۋتاسىنداعى نەسيەلەردى جەڭىلدىكتى باعاممەن سومالارعا ايىرباستاۋدى قاراستىرمايتىنىن جانە جوسپارلامايتىنىن ايتتى.
رف ورتالىق بانك تە شەتەل ۆاليۋتاسىمەن نەسيە الۋعا شەشىم قابىلداعان كەزدە ونىڭ تاۋەكەلىن ەسكەرۋى كەرەكتىگىن تاعى دا ءبىر ەسكەرتتى.